Bën ftohtë dhe ajri ndihet i rënduar. Karriget e vogla dhe hapësirat e ngushta mes njëra-tjetrës të bëjnë të ndihesh jokomod. Ngjyrat e ftohta të mureve e ngurtësojnë edhe më entuziastin.
Pianisti Zamir Kabo, siç e pati premtuar, është rikthyer në “shtëpinë e tij” i shoqëruar edhe nga dy artistë të huaj: Lena Neudauer në violinë dhe Leonard Roczek në violonçel. E gjitha “për të rritur nivelin e artit në vendin e tij”.
Jemi pak para koncertit, kur një shtanget e përmasave të mëdha rrëzohet, duke krijuar ankth jo vetëm tek artistët para performimit, por dhe tek publiku i pranishëm.
Është kjo atmosfera që shoqëroi çeljen e sezonit për Orkestrën Simfonike të Radio Televizionit Shqiptar. Falë profesionalizmit, artistët i’a dolën të ngrohin atmosferën me artin e tyre muzikor. Por, a duhet anashkaluar ky incident, në një situatë ku në Sallën e Madhe të Universitetit të Arteve “edhe pulti i komandimit apo dimerat e ndriçimit janë të amortizuar”?
Incidenti që nga punonjësit e sallës u konsiderua si gabim njerëzor, shërbeu si një kambanë alarmi, që vë në dukje, ashtu siç ata theksojnë, se Qeveria duhet të ndërhyjë duke vënë dorë në mënyrë urgjente në këtë sallë.
Artistët rrëfejnë për mungesën e buxhetit për përmirësimin e kushteve, pavarësisht kërkesave të tyre të shumta që nuk kanë marrë asnjëherë përgjigje.
“Shekulli” ka kontaktuar rektorin e Universitetit të Arteve njëherësh edhe artistin Kastriot Çaushi, si dhe pedagogët dhe artistët Merita Rexha Tërshana dhe Genc Fuga, të cilët përpos gjendjes aktuale të sallës rrëfejnë se problemin për restaurimin e sallës e kanë shtruar një ditë para incidentit me ministren e re të Kulturës, Elva Margariti.
“Zonja ministre m’u përgjigj se ky nuk është një problem që i takon studentëve”, shprehet pianistja Merita Rexha, një nga artistet e para që ka ngritur zërin rreth gjendjes së rënduar të sallës.
Mirëpo, siç pedagogët dhe vetë punonjësit e sallës pohojnë, pikërisht në këto ambiente studentët japin jo vetëm provimet për diplomat, por edhe shfaqje e koncerte të ndryshme. /Shekulli/
Promo
Reklamo këtuLufta Prigozhin - Putin
Më shumëRëndësia e origjinës, sipas rastit të Marko Boçarit: Sonte nisem për të luftuar kundër shqiptarëve!
Revolucioni i vitit 1821 në Greqi, ishte revolucion i shqiptarëve!
Çka nënkupton shatërvani?
Fjalët dhe shprehjet që i dëgjoni vetëm në Korçë
Thënie për nënën: Nëna është personi i vetëm në botë që të do para se të të shohë!
TË BIRTË E SHEKULLIT TË RI
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak