Hoti: Veseli duhet të pranojë përgjegjësinë për dështimet që koalicioni PAN ia ka sjellë Kosovës

Shefi i Grupit Parlamentar të LDK-së, Avdullah Hoti, ka reaguar ndaj akuzave të kreut të Kuvendit të Kosovës për papërgjegjësinë e LDK-së në dialogun me Serbinë.

Kryetari i Kuvendit të Kosovës, Kadri Veseli, sonte për televizionin publik ka kritikuar partitë opozitare LDK dhe Vetëvendosje, të cilat sipas tij nuk po bëhen pjesë e dialogut me Serbinë, me të vetmin qëllim se duan të jenë në pushtet.

“Është për keqardhje sjellja e papërgjegjshme e LDK-së dhe Lëvizjes Vetëvendosje që të mos pranojnë të marrin përgjegjësi, të mos pranojë të vijë në takime duke krijuar obstruksione e abuzime që tërësisht është ego politike, luftë për pushtet, nuk po njohin tjetër argument për të ardhur në pushtet”, tha Veseli.

Por, nuk ka vonuar shumë dhe ka ardhur reagimi i deputetit të LDK-së, i cili ka akuzuar Veselin se si kryetar i Kuvendit ka dështuar të mundësojë funksionimin normal të Kuvendit, pasi të gjitha seancat e sesionin vjeshtor, nga data 13 shtator 2018 e këndej, janë të hapura.

Hoti gjithashtu ka thënë se Veseli duhet të pranojë përgjegjësinë për dështimet që koalicioni PAN ia ka sjellë Kosovës gjatë këtij viti.

Postimi i plotë pa ndërhyrje:

Z.Veseli nje dite e fyen e opozites, tjetren dite e lut per unitet, e nje here tjeter kacafytet me ndonje deputet.

Unifikimi arrihet me pranim te pergjegjesise qe secili kemi ne kapacitetet tona respektive: 1. Z.Veseli duhet i pari te pranoje pergjegjesine per deshtimet qe koalicioni PAN i ka sjell Kosoves gjate ketij viti.  2. Ai duhet te pranoje se koalicioni PAN nuk ka fuqi te qeverise ne menyre demokratike me Kosoven. 3. Ai duhet te pranoje se si Kryetar i Kuvendit ka deshtuar te mundesoje funksionimin normal te Kuvendit, pasi te gjitha seancat e sesionin vjeshtor, nga data 13 shtator 2018 e kendej, jane te hapura.

Ne vend se te pranoje keto pergjegjesi, ai beri pazar me buxhetin e shtetit per te siguruar votat per kalimin e buxhetit per 2019 ne lexim te pare. Nderkaq, leximin e dyte e shtyne ne vitin tjeter, duke krijuar veshtiresi ne ekzekutimin e shpenzimeve ne fillim te vitit qe vjen.

Ne po punojme te unifikojme skenen politike per te ndryshuar kete lloj te qeverisjes dhe ate e kemi arritur. Oozita e sotme eshte shume me e fuqishme se koalicioni PAN, si me numra ne Kuvend ashtu edhe me mbeshtetje qytetare. Qeverisja e ardhshme e kesaj opozite do te adresoje strukturalisht te gjitha demet qe koalicioni PAN i ka bere Kosoves ne vetem nje vit te qeverisjes.

Kosoves i duhet qeverisje qe punon per 20 vitet ardhshme, e jo politikane oportunist qe cdo veprim te tyre e peshojne ne raport me votat e mundshme ne zgjedhjet e ardhshme.