Daniel Cormier e ngacmon Jon Jonesin pasi Agjencia anti-doping e lejoi të ndeshej në ‘UFC 232’ dhe ai u bë kampion

Jon Jones është bërë përsëri kampion i UFC-së në kategorinë e lehtë të divizionit të peshave të rënda, ndërsa rivali i tij i përbetuar, Daniel Cormier, nuk ka mundur ta lë të festojë i qetë.

Të premten, Cormier hoqi dorë nga titulli në kategorinë e lehtë, duke qenë se edhe ashtu do t’i merrej në ‘UFC 232’ dhe ishte caktuar t’i jepej fituesit të meçit ndërmjet Jones dhe Alexander Gustafsson.

"The goal is to finish this fight, and that's what I'll do. I'll finish this fight."@JonnyBones at the press conference on Thursday 😳 #UFC232 pic.twitter.com/oADLr4HxOq

— UFC (@ufc) December 30, 2018

‘Kocka’ triumfoi në duelin e zhvilluar në ‘The Forum’ në Inglewood të Kalifornisë, ndërsa menjëherë pas duelit i kërkoi rimeç rivalit të tij, i cili mbetet kampion në kategorinë e rëndë.

Nga marsi 2011 deri në janar 2015, Jones qëndroi dominues në kategorinë e tij duke e mbrojtur tetë herë radhazi titullin (duke përfshirë edhe duelin përballë Cormier), mirëpo në prill të vitit 2015 iu mor titulli, sepse u arrestua për shkak të përfshirjes në një aksident komunikacioni dhe iku nga vendi i ngjarjes.

Në mungesë të tij, Cormier u bë kampion, ndërsa Jones e mposhti për të dytën herë në ‘UFC 214’, mirëpo Jon doli pozitiv në Turinabol dhe nuk e mori titullin, ndërsa meqë ishte hera e dytë që dilte pozitiv në doping, ai u pezullua për 15 muaj.

Here's the moment when Jon Jones (@JonnyBones( got his championship back. What a journey, truly beautiful to see. #UFC214 pic.twitter.com/baX67BoC1s

— Ahmar Khan (@AhmarSKhan) July 30, 2017

Të dielën e kaluar, pati sërish parregullsi lidhur me testimin për doping që u zbulua nga Komisioni Shtetëror i Atletikës në Nevada duke mos ia dhënë Jonesit licencën që të garojë në atë shtet, ashtu që UFC u detyrua që nga Las Vegasi, duelet e UFC 232 t’i zhvendoste në Los Angeles.

Cormier reagoi shpejt për t’i ngacmuar zyrtarët e përfshirë që ia mundësuan Jonesit të ndeshej në Kaliforni dhe në këtë mënyrë e vazhdoi rivalitetin përmes rrjeteve sociale.

Pas fitores së Jon ndaj Gustafsson, Cormier e quajti false Agjencinë amerikane për anti-doping (USADA), ndërsa rivalin e tij e etiketoi si ‘Jonny Brasco’ duke iu referuar policit të famshëm sekret Donnie Brasco (që u bë akoma më i popullarizuar falë filmit me Al Pacino dhe Johnny Depp).

I mean shit , he should win! Dude starts with a head start everytime #usadafake #jonnybrasco

— Daniel Cormier (@dc_mma) December 30, 2018

Sipas raportimeve në media, Jones kishte arritur marrëveshje me USADA, për t’ia mundësuar zhvillimin e meçit dhe për ta dënuar më pak.

Sidoqoftë, edhe pse duket që të dy yjet e UFC-së janë të interesuar që të përballen për herë të tretë me njëri-tjetrin, dy duelet e fundit të Cormier janë zhvilluar në kategorinë e rëndë, ashtu që për të ndodhur rimeçi i shumëpritur, ai duhet të kthehet në kategorinë e lehtë të divizionit të peshave të rënda. /Telegrafi/

He tested positive again!

— Daniel Cormier (@dc_mma) December 23, 2018