Haradinaj shpërndan dhurata për fëmijë dhe uron Vitin e Ri (Video)

Kryeministri i vendit, Ramush Haradinaj, ka shpërndarë dhurata për fëmijë së bashku me gruan e tij, Anita Haradinajn, me  rastin e festave të fundvitit.

Haradinaj përmes një postimi në rrjetin social Facebook, ku ka shfaqur një video, shihet teksa shpërndan dhurata për fëmijët dhe ua uron qytetarëve të Kosovës Vitin e Ri.

Në njërën nga pyetjet e bëra nga fëmijët që i bënë kryeministrit ishte edhe se çfarë dhurate do nga Babadimri.

Haradinaj ka deklaruar se ka dëshirë që babadimri t’ia sjellë një karrige, por ajo është në OKB.

“Të dashur qytetarë të Kosovës, kemi thënë gjithnjë që sfidat vetëm na forcojnë, e kemi gjetur vendin pa energji pa prodhim, sot konsumojmë energji të Kosovës edhe pse jemi të sfiduar jemi të fortë”.

“E kemi gjet vendin pa përmbyll infrastrukturën e sigurisë, pa ushtrinë e vet. E kemi ushtrinë”.

“Ka edhe diçka. Sot në tavolinat tona kemi shumë ma shumë prodhime vendore. S’kemi me u ndalë dhe s’kemi me u dorëzu para sfidave”.

“Viti 2019 do të jetë vit i ekonomisë dhe i vendeve të punës. Urime ky vit që po vjen”, ka thënë Haradinaj./ Telegrafi/