Kryeministri i vendit, Ramush Haradinaj pas mbledhjes së Qeverisë së Kosovës ka ritheksuar qëndrimin e tij prezantuar në takimin me zyrtarët e lartë të BE-së, duke thënë se shefja për Politikë të Jashtme e Bashkimit Evropian e ka devijuar dialogun dhe ka nxjerr shqetësime në rajon.
Haradinaj në një konferencë për media theksoi se procesi i dialogut Kosovë-Serbi ka dalë nga binarët.
“Kosova ka dy kërkesa shumë legjitime, normalizimi i dialogut sepse ka dalë nga binarët si dhe liberalizimi i vizave”, tha Haradinaj, i cili ka folur edhe për vendosjen e taksës ndaj produkteve të Serbisë.
“Taksa hiqet kur njihet Kosova”, tha ai. “Është absurde me kërku me hjek taksën. Edhe ne jemi njerëz, por të izoluar. Edhe fare pa e shqyrtuar shqetësimin tonë, kërkon me hjek taksën… “, u shpreh shefi i ekzekutivit të Kosovës, raporton Telegrafi.
“Zonja Mogherini është e ngarkuar me dialog, por dialogu nuk po sjell më rezultate, gati se i ka rrezikuar të arriturat në Ballkan … Pozicioni jem ka qenë i sinqertë… E çmoj si njeri dhe si qytetare të BE, por pozicioni jem është i sinqertë, mos na rrezikoni më tutje, normalizoni dialogun”.
Haradinaj ka folur edhe për rezultatet nga dialogu, për të cilën tha se nuk ka dhënë produkte që Kosova kish pas mundësi të shpjegojë se çka po ndodh.
Duke u krahasuar me Serbinë, Haradinaj tha se Kosova ka disa vite të humbura dhe kjo është për keqardhje.
“Kosova vendimet e veta, punët e veta do t’i paraqesë vet. Kosova më nuk do të jetë në mëshirë të të tjerëve… Unë besoj që do të binden të gjithë se taksa jo që s’ka mu hjek po veç ka mu konsolidu…deri në njohje nuk ndryshon”, tha ai.
Ai tha se Kosova është evropiane dhe këtë nuk e bazojnë në njërin nga liderët e BE-së.
Duke folur për darkën që pritet të mbahet të mërkurën në Bruksel ku janë ftuar liderët e rajonit, ndërsa në rastin e Kosovës presidenti dhe jo kryeministri, Haradinaj tha “Unë vjet kam qenë në këtë darkë, sivjet për Kosovën dhe Serbinë ka ndryshuar formati, janë presidentët”.
Sipas tij, atë çfarë ka pasur ta thotë e ka thënë në takimin e së hënës në Bruksel. “Qëndrimi im se kush diskuton për vendin tim për territorin është armik i imi mendoj se i ka sqaruar ato që kam pasur me i sqaru…”
Kreu i ekzekutivit të Kosovës ka folur edhe për letrën e BE-së, ku thuhet se dialogun e udhëheq presidenti.
“E kuptueshme që Mogherini ka këtë qëndrim, por kjo nuk është obligative për punët tona që i kryejmë në Kosovë”, tha Haradinaj, duke shtuar se letra është dërguar dje para takimit, por në Qeveri ka shkuar sot.
Ai foli edhe për draft-marrëveshjen e Qeverisë së Kosovës për dialogun Kosovë-Serbi, për të cilën tha se është në dijeni Mogherini.
Sipas Haradinajt nuk është vonë që të kthehet korniza e dialogut, e që ka qenë normalizimi i raporteve Kosovë-Serbi, e jo të diskutohet për ndarje apo shkëmbim territoresh.
“…Nëse ndodh është shumë mirë, nëse jo shpresat tona janë te një përfaqësues i lartë i ardhshëm”, tha Haradinaj, duke kërkuar rol udhëheqës të QUINT-it në dialogun Kosovë-Serbi, sidomos të SHBA-ve dhe Gjermanisë. /Telegrafi/
Promo
Reklamo këtuLufta Prigozhin - Putin
Më shumëDASH për Telegrafin: Të gjitha raportimet janë të rreme - Escobar nuk është shkarkuar, emërohet në një pozitë tjetër sipas rrotacionit
“Para se të hidhej e pa Erdgysin me 18-vjeçaren": Zbardhet dëshmia e motrës së Almës
Policia dhe KFOR-i amerikan sulmohen në Leposaviq – iu bllokua rruga dhe u hodhën shishe xhami ndaj tyre
Atentati ndaj vëllait të Aleksandar Jabllanoviqit, flet zëvendësdrejtori i PK-së në Mitrovicën e Veriut
Pse do të reduktohet numri i dëshmitarëve në Gjykatën Speciale, sipas avokatit Musa
DW: Sinjale alarmi nga Ballkani - po përsëritet historia?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'