Shaqiri i bën për vete të gjithë, tifozët tani këndojnë edhe këngë për të: Krejt çka na duhet neve është Shaqiri, Shaqiri!

Xherdan Shaqiri është bërë njëri nga futbollistët më të dashur për tifozët e Liverpoolit.

Ylli nga Kosova iu bashkua skuadrës nga Anfield verën e këtij viti nga Stoke City për vetëm 15 milionë euro.

E duket se transferimi i tij nga Jurgen Klopp ka qenë shumë i qëlluar, pasi gjilanasi ka shkëlqyer me fanellën e kuqe.

Lexo po ashtu Klopp me fjalë të mëdha për Xherdanin pasi ia siguroi fitoren: Shaqiri është futbollist me aftësi të mrekullueshme

Në ndeshjen e fundit të Liverpoolit ndaj rivalit Manchester United, Shaqiri u inkuadrua nga banka rezervë për t’i shënuar dy gola dhe për t’ia siguruar fitoren skuadrës së tij 3-1.

E në fundin e ndeshjes tifozët e The Reds kanë filluar të këndojnë këngë për Shaqirin duke thumbuar edhe rivalët e urryer të Manchesterit.

“Pogba dhe Lukaku janë blerë për 170 milionë funte, por krejt çka na duhet neve është Shaqiri për 13 milionë”.

“Shaqiri është i vogël, është i rrumbullakët, e ka kokën afër tokës, Shaqiri, Shaqiri”, ishte kënga e tifozëve të Liverpoolit.

Shaqiri deri më tani ka zhvilluar 17 ndeshje në të gjitha garat për Liverpoolin, ku ka realizuar pesë gola dhe ka bërë katër asistime.

Për ta dëgjuar këngën e tifozëve të Liverpoolit, klikoni KËTU. /Telegrafi/

Pogba and Lukaku for £170mil?
Nah, all we need is Shaqiri for £13million.
🎶 He’s short. He’s round. His head’s near the ground.
Shaqiri! Shaqiri! 🎶

— Robert Nyberg 💛❤️💙 (@robsearch) December 16, 2018