“Hoteli fluturues”: Boeing prezanton aeroplanin luksoz 777X që kushton 442.8 milionë dollarë (Foto)

Boeing ka zbuluar aeroplanin e ri Boeing 777X që kapë vlerën e 442.8 milionë dollarëve, dhe konsiderohet si njëri nga aeroplanët më luksoz në botë.

Kompania ka prezantuar konceptin e këtij aeroplani që çdo person në botë ëndërron të udhëtojë me të, për faktin se ka luks të pafund dhe për ndërtimin e enterierit janë përdorur materiale të shtrenjta, transmeton Telegrafi.

Për dallim nga aeroplanët tjerë ku pasagjerët detyrohen gjatë gjithë udhëtimit të qëndrojnë të ulur, në Boeing 777X mund të bëni një sy gjumë në dhomat luksoze.

Por, kjo nuk është e tëra, aty janë tualetet, dollapët për rroba, dhe sallat për konferenca. Në shikim të parë ngjason me një hotel me pesë yje.

Në treg do të jenë të disponueshëm dy modele BBJ 77-8 dhe BBJ 777-9. BBJ 777-8 do të mund të fluturojë 21,570 kilometra dhe brenda do të ketë një hapësirë prej 302 metra katrorë.

Kurse BBJ 777-9 do të jetë paksa sa i përket enterierit – 342 metra katrorë, por rrezen e fluturimit më të  shkurtër – 20,370 kilometra. /Telegrafi/