Fitore minimale e Arsenalit, e përmbyllë pa humbje fazën e grupeve në EL

Arsenali ka marrë fitore në ndeshjen e fundit në kuadër të fazës së grupeve në Ligën e Evropës.

Topçinjtë kanë triumfuar përballë skuadrës nga Azerbajxhani, Qarabag me rezultat minimal 1-0.

Trajneri i Arsenalit, Unai Emery kishte vendosur që në këtë takim t’i pushonte shumicën nga lojtarët titullarë.

E ndaj Qarabagut minuta kishin disa nga lojtarët e rinj të Arsenalit, të cilët patën paraqitje të mirë.

Goli i parë në ndeshje erdhi në minutën e 16-të, kur shënoi reprezentuesi francez Alexandre Lacazette.

Asistues tek goli i Topçinjve ishte mesfushori gjerman Mesut Ozil që u rikthye nga lëndimi.

We're back for more – now let's round off Group E in style 🙌

🔴 1-0 ⚫️ (46) #UEL

Want LIVE minute-by-minute coverage of the game? We've got you covered 👇

— Arsenal FC (@Arsenal) December 13, 2018

Me epërsinë minimale 1-0 të vendasve përfunduan 45 minutat e para të kësaj sfide.

Arsenali dominoi takimin edhe në pjesën e dytë, duke krijuar disa raste të mira shënimi.

Edward Nketiah realizoi gol në minutën e 76-të por që u anulua për shkak të pozitës jashtë loje.

Kësisoj Arsenali e përmbyll fazën e grupeve në Ligën e Evropës në pozitën e parë me 16 pikë të tubuara në Grupin E.

Nga ky grup si e dyta u kualifikua edhe gjiganti portugez Sporting Lisbona që mposhti Vorsklan 3-0. /Telegrafi/

#ARSQAR #lacazette goal gunners 💪👍 pic.twitter.com/qIPQZcFe2b

— Zinterista Marina Nerazzurrita (@ZinteristaMarin) December 13, 2018