Ambasadori amerikan e quan historik votimin për Ushtrinë e Kosovës

Ambasadori i Shteteve të Bashkuara të Amerikës në Kosovë, Philip Kosnett, e ka quajtur historik votimin e nesërm të tri ligjeve me të cilat Kuvendi i Kosovës do ta nisë procesin e transformimit të Forcës së Sigurisë së Kosovës në ushtri.

Në një deklaratë të postuar në Twitter, Kosnett përsëriti se SHBA-ja do ta mbështesë FSK-në në zhvillimin e saj profesional.

“Votimi i nesërm për tranzicionin e FSK-së është historik për Kosovën. SHBA do ta mbështesë zhvillimin profesional dhe evolucionin organizativ të FSK-së, e cila duhet të luajë një rol pozitiv për Kosovën dhe rajonin, duke reflektuar karakterin shumetnik të vendit dhe përkushtimin e popullit të Kosovës për paqe. Seanca e nesërme e Kuvendit dhe ceremonia e FSK-së duhet të jenë raste për reflektim solemn dhe ripërkushtim për paqe, stabilitet e prosperitet për Kosovën dhe fqinjët e saj. Tani është koha për të gjithë liderët dhe faktorët ta fokusojnë energjinë në dialog”, tha ai. /Telegrafi/

1/2 Tomorrow’s vote on KSF transition is a historic one for #Kosovo. The U.S. will support the professional development & organizational evolution of KSF, which must play a positive role for Kosovo & the region, reflecting both the multi-ethnic character of the country and…

— Ambassador Philip S. Kosnett (@USAmbKosovo) December 13, 2018

2/2 the Kosovo people’s dedication to peace. Tomorrow’s Assembly session & KSF ceremony should be occasions for solemn reflection & re-dedication to peace, stability & prosperity for #Kosovo & its neighbors. Now is time for all leaders & stakeholders to focus energy on Dialogue.

— Ambassador Philip S. Kosnett (@USAmbKosovo) December 13, 2018