Kampi i Furyt kërkon hetim nga WBC lidhur me ndarjen e pikëve në meçin kundër Wilder

Vendimi i gjyqtarëve që ta mbyllnin baras meçin ndërmjet Deontay Wilder dhe Tyson Fury, është etiketuar si kundërthënës dhe kampi i britanikut është duke kërkuar një hetim lidhur me pikët e ndara për dy boksierët.

30-vjeçari u ndesh në Los Angeles me kampionin në fuqi të WBC-së në kërkim të rikthimit të tij në majat e boksit në kategorinë e peshave të rënda.

Mirëpo, edhe pse gjatë gjithë kohës ishte përpara me pikë, në fund gjyqtarët e vendosën meçin me pikë të barabarta, duke vënë në pah edhe dy nokautet që i pësoi Fury.

Mirëpo, Sky Sport News raporton se promovuesi i tij, Frank Warren, do të kërkojë nga organizata WBC (World Boxing Council) që të bëjë një hetim lidhur me vendimin për pikë të barabarta ndërmjet Tysonit dhe Wilderit.

BREAKING: Tyson Fury's promoter Frank Warren to ask @WBCBoxing for investigation on scoring of draw with Deontay Wilder. Fury camp will also ask WBC to order a rematch. #SSN pic.twitter.com/Mmak7SJAqr

— Sky Sports News (@SkySportsNews) December 2, 2018

Për më shumë, sipas këtij njoftimi, kampi i boksierit britanik do të kërkojë nga WBC që të urdhërojë edhe një rimeç.

Lexo po ashtu Lajmet për Tyson Furyn

Në ndërkohë, Warren ka thënë se duhet gjatë vitit 2019 duhet të zhvillohet një rimeç në ambient të hapur në Britani të Madhe.

“Kjo varet nga Tyson, mirëpo nga perspektiva ime, do të më pëlqente rimeçi. Le ta mbushim një stadium futbolli. E duam përballjen”.

“Pavarësisht se kush fitoi, është nga ato duele që të gjithë duan t’i shohin sërish”, ka theksuar promovuesi i 30-vjeçarit. /Telegrafi/