Miranda Kerr thotë se femrat nuk duhet të nguten të humbin në peshë pasi bëhen nëna

Miranda Kerr nuk është duke u ngutur për ta kthyer formën trupore, pasi solli në jetë djalin e dytë, Hart Spiegel, para gjashtë muajsh.

Edhe pse karriera e modeles australiane varet nga dukja e saj, 35-vjeçarja ka thënë se nuk mendon të kthehet shumë shpejt në formë.

Kerr është e martuar me themeluesin e Snapchatit, Evan Spiegel, ndërsa së fundmi ka folur në një intervistë për versionin australian të revistës Marie Claire.

Lexo po ashtu Lajmet për Miranda Kerr

“Është shumë e rëndësishme për ne femrat që të jemi të buta me vetveten dhe ta kuptojmë se nuk duhet të ngutemi për t’u kthyer në formë pas fëmijës…”.

“Është në rregull, kam trupin e një nëne dhe është krejt në rregull! Nuk më pengon”.

“Është e gjitha pjesë e kësaj. U deshën nëntë muaj, në fakt 10 muaj për t’u rritur një fëmijë i bukur dhe ndoshta nevojiten nëntë muaj që të ndihesh mirë në kostum larjeje sërish. Ose më gjatë. Ose kurrë!”, ka thënë bukuroshja.

Në ndërkohë, Miranda ka folur edhe për djalin e madh shtatëvjeçar që e ka nga lidhja me ish-burrin e saj, Orlando Bloom, për të cilin ka thënë se ndihet i lënë anash pas ardhjes në jetë të fëmijës së dytë. /Telegrafi/