Futbollistët e Përfaqësueses së Kosovës e festuan me muzikë e valle deri në orët e vona fitoren ndaj Azerbajxhanit

Përfaqësuesja e Kosovës ka shënuar fitore ndaj Azerbajxhanit, me rezultat dominues 4-0.

Kështu, Kosova ka arritur kualifikimin në gjysmëfinale të Ligës D në Ligën e Kombeve, që shënon një arritje historike të sportit tonë.

Pas mbarimit të ndeshjes dhe konferencave për shtyp, futbollistët e Përfaqësueses së Kosovës janë akomoduar në “Hotel Emerald”.

Lexo po ashtu Disa e ndoqën nga tribuna, e disa si telespektatorë: Yjet Shqiptarë i gëzohen fitores së Kosovës ndaj Azerbajxhanit

Ata kanë festuar së bashku fitoren në një ceremoni pas ndeshjes, ku janë dëfryer e kanë kërcyer së bashku nën ritmet e muzikës popullore.

Federata e Futbollit të Kosovës ka publikuar një video në faqen e saj zyrtare në Facebook, ku shfaqen futbollistët së bashku teksa shijojnë fitoren.

Njëra video, i shfaq ata në autobus rrugës për në “Emerald”, teksa këndojnë së bashku këngën “Shqipëri o nëna ime”. /Telegrafi/

Më pas, ata vallëzojnë së bashku në sallën e sallën e hotelit.

Më shumë nga të gjithë vërehen të entuziazmuar lojtarët Vedat Muriqi dhe Donis Avdijaj, të cilët hedhin valle së bashku.

Atdhe Nuhiu e Shkumbin Demhasaj po ashtu duket të kenë shijuar në maksimum atmosferën, pasi kanë kënduar e kërcyer së bashku me këngë popullore. /Telegrafi/