Milani pritet të dënohet nga UEFA shkaku i Fair Play Finaciarit

Milani mund të gjobitet deri në 20 milionë euro nga UEFA për shkeljet e tyre financiare të Fair Play-it, si dhe t’i ndalohet regjistrimi i lojtarëve për Ligën e  Evropës në janar.

Rossonerët u ndaluan fillimisht të mos luajnë këtë edicion në Ligën e Evropës për shkak të situatës së tyre financiare.

Por, ata me sukses iu drejtuan Gjykatës së Arbitrazhit për Sport dhe morën lajmin pozitiv.

Lexo po ashtu Zyrtare: Milani nuk e bind UEFA-n rreth planit financiar

Gjykata e njohur si CAS vendosi që klubi italian duhet të rikthehet në garë, por e ktheu çështjen në UEFA për të vendosur një dënim më të drejtë.

Tani gazeta La Repubblica raporton se sanksionet e para do të mbërrijnë në ditët në vijim, duke përfshirë një gjobë prej rreth 20 milionë euro.

Një pjesë e kësaj do të paguhet menjëherë, ndërsa pjesa tjetër do të pezullohet në pritje të pajtueshmërisë me kufijtë e FFP-së.

Lexo po ashtu Milani përballet me një dënim prej 20 milionë eurosh nga UEFA

Ekziston edhe mundësia që Milanit t’i ndalohet  të regjistrojë çdo nënshkrim të janarit për konkurrencën evropiane, duke përfshirë Lucas Paquetan.

Këto masa do të ishin ndëshkim për shkeljet e mëparshme, dhe Rossonerët duhet ende të zhvillojnë një marrëveshje shlyerjeje me Trupin e Kontrollit Financiar të Klubit. /Telegrafi/