Zëvendëskryeministri i Qeverisë së Republikës së Kosovës, Enver Hoxhaj në intervistën dhënë për Telegrafin ka folur edhe për procesin e liberalizimit të vizave si dhe për INTERPOLIN.
Hoxhaj tregon se Qeveria e Kosovës është duke punuar me shtetet anëtare që në dhjetor të këtij viti të ketë një vendim pozitiv për liberalizim të vizave.
I pyetur nëse Kosova merr mendim negativ nga BE-ja, kush do të jetë përgjegjës për këtë, Hoxhaj tha: “Mendoj që përgjigjet dhe përgjegjësit janë në Bruksel. Ne kemi pasur një proces i cili ka filluar në vitin 2012, procesi ka qenë teknik, është dashur të përmbushen të gjitha kushtet dhe kriteret. Kemi pasur kritere më shumë se sa vendet tjera të rajonit, qoftë Shqipëria, Maqedonia, Bosnja Hercegovina, Mali i Zi dhe Serbia, por ne kemi pasur vullnet që ta përmbushim këtë udhërrëfyes me të gjitha kriteret dhe tash topi është tek BE-ja”.
Hoxhaj po ashtu theksoi se Bashkimi Evropian (BE) duhet të dalë me një qartësi, dhe sipas tij nëse nuk do të ketë mendim pozitiv, atëherë ky do të ishte diskriminim i qytetarëve të Kosovës.
“Javën e ardhshme do të takohemi një grup për liberalizimin e vizave. Pastaj do të ketë dhe disa grupe dhe komisione tjera dhe unë besoj se në javën e parë të dhjetorit takohen ministrat e brendshëm dhe të drejtësisë, besoj se në mes të dhjetorit do të duhej të ketë vendim pozitiv. Ne nuk duhet të mbesim si një ishull i izoluar dhe si të burgosur në një ishull të izoluar, prandaj qëndrimi jonë si qeveri është i qartë”.
Sipas tij, nuk ka ngjarje më të rëndësishme për Kosovën se sa marrja e liberalizimit të vizave.
E sa i përket anëtarësimit të Kosovës në INTERPOL, Hoxhaj theksoi se grupi punues i Kosovës është duke bërë një punë jashtëzakonisht të mirë.
“E di që një grup punues i cili është bërë nga qeveria e Kosovës që udhëhiqet nga njerëz të caktuar në Ministrinë e Jashtme, atë të Brendshme, si dhe policia e Kosovës, deri më tash kanë bërë një punë jashtëzakonisht të mirë. Shërbimi jonë diplomatik ka komunikuar me disa vende që të siguroj vota. Partnerët tanë perëndimor në disa vende kanë mbështetur Kosovën për INTERPOL”, u shpreh ai.
Zëvendëskryeministri Hoxhaj komentoi edhe qëndrimin e kancelarit austriak, Sebastian Kruz për anëtarësimin e Kosovës në INTERPOL.
Në këtë drejtim, ai tha se Austria do të votojë pro anëtarësimit të Kosovës në INTERPOL.
“Dje e pamë dhe një qartësi nga Austria, e cila voton pro anëtarësimit të Kosovës në INTERPOL. Personalisht është dashur që t’i thërras disa vende, aty ku kam pasur kontakte – megjithatë na mbetet që të bëjmë betejë të mirëfilltë për anëtarësimin e Kosovës në INTERPOL, derisa të ndodh procesi i votimit. Marrja e votave është një proces i ndërlikuar, gjërat po shkojnë në drejtimin e duhur, por derisa të votohet duhet të lobohet”, theksoi ndër tjerash Hoxhaj. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Pahor: Kandidatura ime do të paraqitet në Bruksel, do të jem ndërmjetës i ndershëm në dialogun Kosovë-Serbi
Deputeti finlandez: Serbia nuk mund t’u imponohet shteteve për të kundërshtuar Kosovën në KiE
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Pahor: Kandidatura ime do të paraqitet në Bruksel, do të jem ndërmjetës i ndershëm në dialogun Kosovë-Serbi
Deputeti finlandez: Serbia nuk mund t'u imponohet shteteve për të kundërshtuar Kosovën në KiE
Policja që u raportua e zhdukur paraqitet në stacionin e Rahovecit
DW: Sinjale alarmi nga Ballkani - po përsëritet historia?
Deputeti gjerman, Abraham: Pranimi i Kosovës në Këshillin e Evropës është e vetmja rrugë përpara
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'