Kiracovski: Deputetët e OBRM-PDUKM-së të mos dorëzohen nga presionet dhe kërcënimet dhe të votojnë sipas bindjes së tyre (Video)

Deputeti i LSDM-së dhe Sekretari i Përgjithshëm, Aleksandar Kiracovski tha se “në pajtim me prioritetet strategjike të Maqedonisë, anëtarësimi në BE dhe NATO, Qeveria dorëzoi propozim deri te Kuvendi i Maqedonisë për hyrje në ndryshimet të Kushtetutës së Republikës së Maqedonisë, si një nga hapat e fundit nga marrëveshja e Prespës”.

Kiracovski tha se propozim-ndryshimet janë publikuar dhe të qasshme për gjithë opinionin dhe se secili qytetar, dhe secili deputet mund t’i shoh dhe të bindet në, siç thotë ai të vërtetën, përcjell Telegrafi Maqedoni.

Sipas deputetit Kiracovski, identiteti gjuha dhe veçantia maqedonase janë të garantuara dhe se bien në ujë të gjitha lajmet e rreme dhe konstruksionet e shpikura për gjoja kërcënimit të gjuhës, identitetit dhe historisë maqedonase.

Lexo po ashtu Hahn: Deputetët e OBRM-PDUKM-së që duan ta mbështesin marrëveshjen, janë të kërcënuar

“Ju bëj thirrje të gjithë deputetëve nga OBRM-PDUKM-ja të mos dorëzohen nga presionet dhe kërcënimet dhe të votojnë sipas bindjes së tyre, t’i përkrahin proceset në Kuvend dhe të miratohen ndryshimet kushtetuese”, tha Kiracovski duke shtuar se shumica dërmuese e 80% të qytetarëve të Maqedonisë vendosi për të ardhmen e Maqedonisë në NATO dhe BE./Telegrafi/