Rita Ora së shpejti në bashkëpunim me Eminem?

Këngëtarja Rita Ora është duke shijuar suksesin e këngës së saj më të re “Let you love me”, e cila është pritur mirë nga publiku.

Përndryshe ajo ka bërë të ditur se më 23 nëntor do të dalë në shitje edhe albumi i saj më i ri “Phoenix”.

E ftuar në emisionin e mëngjesit të “Capital”, këngëtarja shqiptare ka rrëfyer shumë detaje nga albumi i saj më i ri.

Të gjithë e dimë se Rita ka realizuar disa bashkëpunime të mëdha emra të njohur si: Calvin Harris, Liam Payne, dhe madje fitoi edhe një çmim MTV për këngën “Lonely Together” me DJ e ndjerë, Aviciin.

Sidoqoftë, këngëtarja e hitit “Anywhere” nuk e përjashtoi mundësinë se bashkëpunimi i saj i ardhshëm mund të jetë me askënd tjetër veçse me mbretin e rap-it, Eminem.

Kur u pyet nga gazetarët për emrat me të cilët ka bashkëpunuar në këtë album, Rita refuzoi të përgjigjet, duke thënë se nuk duhet të tregojë deri në ditën e lansimit të albumit.

Por duke u insistuar nga gazetarët nëse është Eminem një nga emrat me të cilin ajo ka realizuar bashkëpunim, këngëtarja shqiptare u përgjigj duke thënë thjeshtë: “Mbetet të shihet”.

Kjo deklaratë ka lënë të kuptohet se mbase Ora ka realizuar deri më tani bashkëpunimin e saj më të madh në karrierë. /Telegrafi/