Neuer dhe Areola në skenë, Gjermani – Francë përfundon pa fitues

Nuk ka sjellë fitues ndeshja mes Gjermanisë dhe Francës në kuadër të Ligës së Kombeve 0-0.

Ndeshja nisi qetë me dy skuadrat që luajtën kujdesshëm në mesfushë.

Rasti i parë në ndeshje erdhi në minutën e 35-të kur pas harkimit nga këndi të Toni Kroos, me kokë rrezikoi Mats Hummels por pa sukses.

Dy minuta më vonë francezët u kundërpërgjigjën me Olivier Giroud, por goditja e tij u prit nga Manuel Neuer.

Seht ihr das auch? Fritz-Walter-Wetter in @StadtMuenchen… ☔#DieMannschaft #GERFRA 0-0 pic.twitter.com/VkrGSAu72h

— DFB-Team (@DFB_Team) September 6, 2018

Franca pati një rast të mirë shënimi por goditja e Mbappes nga gjuajtja e lirë nuk ishte e saktë.

Me rezultatin e barabartë 0-0 përfunduan 45 minutat e para të kësaj sfide.

Gjermania tentoi të shënonte golin e epërsisë me Marco Reus që bëri gjithçka mirë por në momentin vendimtar goli iu mohua nga Areola.

Gjermanët e shtuan presionin në fushën kundërshtare në minutat e fundit.

Të besuarit e Joachim Low tentuan shënimin e golit me Hummels, Muller dhe Ginter por Areola ishte fantastik ndaj goditjeve të tyre.

#JustNeuerThings 😀 @Manuel_Neuer #GERFRA #UNL @DFB_Team @FCBayern pic.twitter.com/hlw5vCjW64

— UEFA.com DE (@UEFAcom_de) September 6, 2018

Deri në fund të ndeshjes, dy skuadrat kishin disa gjysmë raste por që portat mbetën të pa prekura.

Kësisoj Gjermania dhe Franca pas xhiros së parë kanë nga një pikë në Grupin 1 të divizionit A në Ligën e Kombeve.

Ndeshjen e radhës Gjermania e zhvillon ndaj Holandës në udhëtim, ndërsa francezët do të luajnë miqësore ndaj Islandës. /Telegrafi/

Schlusspfiff in München! ⚽#DieMannschaft #GERFRA 0-0 pic.twitter.com/bibvJ3iU96

— DFB-Team (@DFB_Team) September 6, 2018