Vuçiq: As unë as Thaçi nuk jemi të lumtur që jemi ulur pranë njëri-tjetrit, por na lejoni t’i zgjidhim problemet vet

Presidenti i Serbisë, Aleksandër Vuçiq, në Forumin Evropian në Alpbach, sonte i bëri thirrje komunitetit ndërkombëtar që t’i lejojnë serbët dhe shqiptarët që vetë të zgjidhin çështjen e Kosovës.

Ai shprehu pakënaqësinë, siç tha për shkak të dëshirës së vendeve të tjera për të ndikuar në përmbajtjen e një marrëveshje të mundshme mes Beogradit dhe Prishtinës.

“Unë dëgjoj zëra nga Londra, sikur të jenë më të interesuar për të ardhmen tonë, më shumë sesa vetë ne”, tha Vuçiq.

Lexo po ashtu Thaçi: Shtetet e rajonit dhe BE-së nuk duhet të kenë frikë nga marrëveshja mes Kosovës dhe Serbisë

Ai vlerësoi se një marrëveshje e mundshme për zgjidhjen e çështjes së Kosovës do të ishte “arritje e pabesueshme”, por shtoi se është  “skeptik, se kjo do të arrihet”.

Ai tha se për shkak të përpjekjeve për të zgjidhur çështjen e Kosovës ka shumë kundërshtarë në Serbi, ndër të cilat një numër i madh i personaliteteve, kurse opozita e akuzon atë se është tradhtar, dhe se jashtë vendit paraqiten më shumë si avokatë të të ashtuquajturës “Serbi e madhe”.

Lexo po ashtu Hahn: Nëse Kosova dhe Serbia pajtohen, të tjerët nuk mund t’i ndryshojnë kufijtë

Ai pyeti se çfarë janë kufijtë e Serbisë dhe çfarë është Kosova. “Ne e konsiderojmë Kosovën pjesë të Serbisë, dhe ata e konsiderojnë atë një shtet të pavarur. Gjysma e vendeve në botë thonë se Kosova është e pavarur dhe gjysma, ndër të cilat janë pesë anëtare të BE-së, që është pjesë e Serbisë. Si do ta zgjidhim këtë?” tha Vuçiç.