Vlora Çitaku, Eliza Hoxha e Zake Prelvukaj, së bashku për pushime në Rugovë

Vera shquhet si stina kur të gjithë rezervojnë pushimet e tyre, për t’i bërë ballë diellit të ngrohtë.

Disa pëlqejnë detin e të tjerë malin, e rëndësishme është që këto pushime të kalohen në shoqëri të miqve apo familjarëve.

Lexo po ashtu Destinacionet përrallore që këngëtarët shqiptarë zgjodhën këtë verë për pushime

Shpesh kuriozitet te publiku zgjon fakti se ku i kalojnë figurat publike pushimet, dhe sa prej tyre kanë raporte të mira mes vete.

Duket se një miqësi të mirë, aq sa të kalojnë një vikend së bashku e gëzojnë ambasadorja e Kosovës në ShBA, Vlora Çitaku, këngëtarja Eliza Hoxha, dhe piktorja e njohur, Zake Prelvukaj.

Ato kanë zgjedhur që këto ditë t’i kalojnë së bashku duke shijuar bukuritë natyrore të Rugovës.

Ka qenë ambasadorja Çitaku ajo e cila ka ndarë disa fotografi në rrjetin social Instagram, ku ka zbuluar disa nga momentet e ëmbla që po shijon me mikeshat e saj.

“Shoqe”, shkruan ajo në mbishkrimin e fotografive, në të cilat shfaqet e buzëqeshur në ambientin e gjelbër.

Përndryshe, Vlora ka disa javë që është kthyer nga ShBA, për të kaluar disa ditë pushimi te familjarët e saj në Kosovë. /Telegrafi/