Koncerti i parë i Unikkatilit në Shqipëri

Reperi më i famshëm shqiptar, Unikkatil, mban sot (e shtunë) në Durrës një koncert madhështor dhe kjo është hera e tij e parë në Shqipëri.

Viktor Palokaj, reperi më rebel dhe i shumëpërfolur në gjithë rrjetet sociale, si një artist që me tekstet e tij ka krijuar shumë debate, do të performojë në stadiumin e Durrësit me një atmosferë mbarëkombëtare.

https://www.instagram.com/p/BmBfdiRH9cA

I njohur për karakterin e tij enigmatik, ai shfaqet shumë rrallë nëpër videoklipet e tij.

Vetëm katër ditë pas publikimit të këngës së re, Unikkatil pritet të jetë në stadiumin “Niko Kovana” më shumë elementë kombëtare.

Ky është koncerti i dytë i madh, pas atij në Kosovë para pesë vitesh dhe është organizuar deri në detaje.

https://www.instagram.com/p/BkVgqjVFk0P

Pjesë e koncertit do të jenë edhe pjesëtarët tjerë të TBA, si Klepto, Jetoni, Kobra e Barooti.

Para koncertit në Shqipëri, Unikkatili lansoi këngën e re “Ça jon” në bahskëpunim me Klepto.

Kënga është pritur mirë nga fansat e tij dhe për katër ditë numëron afro 800 mijë dëgjime në YouTube. /TCH/Telegrafi/