Milani takon agjentët e Bernardit

Milani u takua sot (e hënë) me agjentët e ish-lojtarit të Shakhtar Donetsk, brazilianit Bernard.

Braziliani është një agjent i lirë pasi ka lënë skuadrën nga Ukraina, duke mos rinovuar kontratën.

Bernard ka shënuar 10 gola në sezonin e kaluar me ukrainasit dhe kjo ka bërë që të preferohet nga shumë skuadra të njohura evropiane.

Lexo po ashtu Milani me ofertë zyrtare në drejtim të Bernard, braziliani afër zyrtarizimit

Sipas mediumit italian Gazzetta dello Sport, Rossonerët u takuan me përfaqësuesit e Bernard në Casa Milan për të diskutuar një transferim të mundshëm.

Të dy palët po përpiqen të gjejnë një marrëveshje, por ndërmjetësi i njohur Kia Joorabchian ka folur gjithashtu edhe me klubin anglez, Chelsean.

Lexo po ashtu Chelsea, favorit për të nënshkruar me Bernardin si lojtar të lirë

Lojtari do të preferonte një lëvizje në Milano, por ai do të donte një rrogë prej rreth tre milionë eurosh dhe duke pasur parasysh se do të arrinte si lojtar i lirë, agjentët e tij presin bonuse të madha.

Milani po kërkon të forcohet pa shpenzuar shumë këtë verë, me Pepe Reina, Ivan Strinic dhe Alen Halilovic që janë bashkuar si transferime falas. /Telegrafi/