Nikolloski: OBRM-PDUKM-ja mund të arrijë marrëveshje më të mirë me Greqinë

Në një intervistë për Radio Evropa e Lirë, nënkryetari i OBRM-PDUKm-së Aleksandar Nikolloski thotë se në qoftë se qytetarët dhe Kuvendi nuk e pranojnë këtë marrëveshje për emrin me Greqinë, Qeveria e ardhshme e OBRM-PDUKM-së do ta ri-bisedojë marrëveshjen dhe jam i bindur se do të arrijmë marrëveshje më të mirë.

“Një qeveria e ardhshme e OBRM-PDUKM-së do të përgatitej shumë më mirë, do të angazhonte më shumë ekspertë dhe nëse tash nuk kalon ky ndryshim i Kushtetutës, qytetarët duhet ta dinë se e gjithë punë është kryer, por nëse kjo marrëveshja nuk pranohet nga qytetarët dhe nga Kuvendi, ne jemi të gatshëm me këtë apo me ndonjë Qeveri tjetër greke të bisedojmë dhe jam i bindur se do të arrijmë marrëveshje më të mirë”, thotë Nikollovski, përcjell Telegrafi Maqedoni.

I pyetur se nëse ai personalisht si nënkryetar i OBRM-PDUKM-së është për amnisti për rastet që akuzohen ish funkcionarë të OBRM-PDUKM-së, Nikolloski thotë se ai qëndron në atë se të akuzuarit ta dëshmojnë pafajsinë e tyre.

“Unë personalisht jam për ato njerëz që janë të akuzuar ta tregojnë pafajësinë e tyre në gjykatë që t’ju mos ju mbes barrë gjithë jetën se ndoshta janë fajtor, por kanë fituar ndonjë mëshirë, apo kanë fituar amnisti. Problemi këtu është se si përcaktohet PSP-ja dhe si përcaktohet gjykata, ende ka kohë ta ndryshojnë këtë, për shkak se pjesa më e madhe e rasteve janë në gjykim. Ne e ndjekim atë dhe do të komentojmë në të ardhmen” thotë Nikolloski./Telegrafi/