Në vitin e ardhshëm do të jepet sezoni final i “Game of Thrones”

Sezoni final i serialit të shumëpopullarizuar, “Game of Thrones”, do të nisë emetimin në gjysmën e parë të vitit 2019. Kështu ka bërë të ditur drejtori i programit të HBO, Casey Bloys.

Gjatë një interviste me Television Critics Association, Bloys nuk ka dhënë informacione në lidhje me serialit, përfundimin e të cilit mezi e presin miliona fansa anekënd botës.

Megjithatë, në një prononcim për Deadline, ai ka treguar disa detaje që kanë të bëjnë me sezonin e ri të serialit që titullohet “The Long Night”.

Lexo po ashtu Lajmet për Game of Thrones

“Janë prezentë shumë karaktere të forta femërore, por janë ansamble, femra dhe meshkuj. Jane Goldman është një skenariste jashtëzakonisht e mirë dhe nuk duam ta kufizojmë në shkrimin e roleve femërore.

“Ekzistojnë role shumë të komplikuara në rrjedhën e ngjarjes në sezonin final”, ka deklaruar Bloys.

Edhe pse në mediat botërore u përhapën thashetheme se episodet e reja do të nisin të shfaqen në nëntor të këtij viti, drejtori i programit të HBO ka thënë se kjo nuk do të ndodhë deri në vitin e ardhshëm.

Kujtojmë që më herët, HBO njoftoi se ngjarja e sezonit final të “Game of Thrones” do të vendoset në të kaluarën e largët Westeros, mijëra vite para ngjarjeve të sezoneve paraprake. /Telegrafi/