Reagon Lekaj pas aksidentit në Gllarevë, u bën apel vozitësve që të kenë kujdes

Ministri i Infrastrukturës, Pal Lekaj ka reaguar pas aksidentit tragjik që ndodhi sot në Gllarevë, ku humbën jetën tre persona.

Lekaj ka apeluar tek të gjithë pjesëmarrësit në komunikacion që të kenë kujdes dhe t’i respektojnë shenjat e komunikacionit.

Reagimi i plotë:

Vdekjet e sotme në Gllarevë të Klinës, si pasojë e një aksidenti, lajm tragjik jo vetëm për familjarët e të ndjerëve, por për tërë shoqërinë tonë.

Duke i ngushëlluar të gjithë për këto humbje të jetëve… si Ministër i Infrastrukturës, por mbi të gjitha si një qytetar i këtij vendi, ngreh alarmin dhe ju bëj apel të gjithë pjesëmarrësve në komunikacion të kenë kujdes, të respektohen rreptësisht shenjat, shpejtësia në komunikacion dhe mbi të gjitha të kujtoheni se “Familja ju Pret”, kjo do të bëjë që të gjithë të kujdesemi për njëri tjetrin.

Ngushëllime Familjeve që sot humbën më të dashurit e tyre…!

Bashkohuni në fushatën sensibilizuese bashkë me Policinë e Kosovës, për ngasje të sigurtë, që të eliminojmë ketë dukuri (vozitjen e shkujdesur) që po na i merr bashkëqytetarët.