Tetë pjesëtarë të Forcës së Sigurisë së Kosovës (FSK) nga komuniteti serb në Batalionin e Ndërhyrjes së Shpejtë, kanë kërkuar demobilizim apo shkëputje të kontratës nga FSK me arsyetimin se kanë presion shumë të madh nga Beogradi zyrtar.
Zëvendësministri i FSK-së, Agim Çeku, bashkë me Berat Shalën, komandant i këtij batalioni si dhe pjesëtarët e komunitetit serb të cilët kanë kërkuar dorëheqjen kanë zhvilluar takim të përbashkët në mënyrë që ata të mos tërhiqen nga kjo forcë,njofton Klan Kosova.
Ndërsa, në një prononcim të tij zëvendësministri Çeku, ka thënë se kërkesa e tyre për demobilizim do të shqyrtohet në afat prej gjashtë muajsh, për të marrë një vendim më pas.
Zëdhënësi i Ministrisë së Forcës së Sigurisë së Kosovës, Ibrahim Shala, ka konfirmuar se tetë pjesëtarë të komunitetit serb kanë kërkuar të largohen nga FSK-ja.
Në intervistën e dhënë për Info Magazine të Klan Kosovës, Shala ka shpalosur dhe disa detaje rreth asaj që qëndron prapa kësaj kërkese të tetë pjesëtarëve serbë të FSK-së, të cilët kanë ofruar dorëheqjen:
”Inkuadrimi në FSK është vullnetarë dhe FSK është forcë vullnetare dhe profesionale, e për të qenë pjesë e saj duhet të ketë një varg procedurash. E pikërisht këta pjesëtarë i kanë kaluar këto procedura me vullnetin e tyre”.
”Por, ky fakt i ri se kanë kërkuar të largohen është për shkak të presionit që ata kanë nga Serbia edhe forcat politike të tyre këtu”.
”Kjo është një shkelje e të drejtave të njeriut sepse secili qytetar i Republikës së Kosovës ka të drejtë ta jetojë jetën pa ndërhyrjen e askujt. Kemi qenë në dijeni edhe përmes medieve për presionin që po iu bëhet FSK-së. Për këtë arsye janë takuar me ta edhe drejtuesit e FSK-së”.
Më tej Zëvendësministri i FSK-së, Ibrahim Shala ka theksuar se kërkesa e tyre për dorëheqje nga FSK, nuk po bëhet për shkak të ndonjë keqtrajtimi.
”Ata nuk bëjnë kërkesë për tu larguar për shkak të keqtrajtimit por për shkak të presionit të jashtëm. Ata kanë marrë një vendim që të rishqyrtojnë këtë pozicion në lidhje me këtë kërkesë që e kanë bërë”.
”Ata kanë paraqitur një kërkesë të cilën sot gjatë bisedimit me drejtuesit e FSK-së dhe Ministrisë pritet ta shqyrtojnë ende”, tha Shala, duke treguar se presioni ndaj tyre është në forma të ndryshme. “Edhe ofrimi i parave është një lloj presioni, apo kërcënimi me dëmtim të pasurisë. Ata kanë të drejtë të projektojnë jetën e tyre pa ndërhyrjen e Serbisë”.
Lufta Prigozhin - Putin
Më shumë"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
Politikani serb: Kam bërë padi në GjND për krimet serbe ndaj shqiptarëve të Kosovës
Kushtëzimi i Kosovës për në KiE, eurodeputeti gjerman, Butikofer: Gabim i keq i Qeverisë gjermane
BE reagon për draft statutin e paralajmëruar nga Kosova për Asociacionin
Rama i përgjigjet deklaratave të Vulin
Flet shqiptari që vrau gruan: Nuk pendohem, hante me paratë e mia dhe më tradhtonte
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
BE reagon për draft statutin e paralajmëruar nga Kosova për Asociacionin
Politikani serb: Kam bërë padi në GjND për krimet serbe ndaj shqiptarëve të Kosovës
Zbardhet aktiviteti i atentatorit të kryeministrit sllovak - ishte pjesë e një grupi pro-rus
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë