Erolld Belegu, këshilltar për ekonomi i kryeministrit Ramush Haradinaj, ka thënë se themelimi i Zonave Ekonomike do të ndikojë në zhvillimin ekonomik të Kosovës. Ai gjatë një intervistë për Telegrafin tha se Zonat e Ekonomike do t’u mundësojnë komunave që bizneset t’i kenë në një vend.
Belegu ka folur edhe për Zonën Ekonomike Amerikane në Gjakovë. Sipas tij, kjo zonë dallon me zonat e tjera ekonomike të themeluara deri më tani.
Ai ka treguar edhe arsyen se përse është zgjedhur Gjakova e jo Vushtrria si shtëpi e kësaj zone.
“Arsyeja se pse Gjakova, ka qenë e vetmja hapësirë toke publike e ofruar prej mbi 1,000 hektarëve. Komuna e Vushtrrisë është e para që është deklaruar për një zonë të tillë menjëherë pasi vendimi është marrë në Qeveri. Por komuna e Vushtrrisë ka ofruar një tokë e cila nuk është tokë e komunës dhe ka pasur hapësirë vetëm prej 239 hektarëve. Pozita dhe lidhjet në Gjakovë janë më të mira, sepse atje është Aeroporti i Gjakovës që pritet të funksionalizohet, është lidhja me Aeroportin ndërkombëtar të Prishtinës, hekurudhën si dhe afërsia me Portin e Durrësit”, ka pohuar Belegu.
Përveç taksave atraktive që ka Kosova, për kompanitë amerikane sipas tij, do të jetë edhe zona e tyre.
“Jemi në koordinim me Shtetet e Bashkuara të Amerikës, USAID-in dhe jemi duke negociuar sesi do të jetë forma e përzgjedhjes së këtyre kompanive”, tregon ai.
Sipas tij, Zona Ekonomike Amerikane në Kosovë, do të jetë një mundësi e mirë edhe për rritjen e investimeve të huaja në vend.
Belegu ka thënë se kanë kërkesa për themelimin e dhe të Zonave Ekonomike të tjera në komuna të tjera.
“Të gjitha komunat dëshirojnë ta kenë zonën e vetë ekonomike, secili kryetar ka ambicie të dëshmohet para elektoratit të vetë. Krijimi i Zonave Ekonomike, u mundëson komunave që bizneset t’i kenë në një vend, e jo të shpërndara”, tha Belegu.
Ai ka treguar se komunat kanë probleme për gjetjen e parcelave të tokës për Zona Ekonomike, e për këtë Qeveria e ka ndal privatizimin e tokave.
Këshilltari për ekonomi i kryeministrit Ramush Haradinaj, i është kundërpërgjigjur edhe drejtorit të Odës Ekonomike Amerikane në Kosovë, Arian Zeka, i cili ka thënë se Qeveria po merr vendime pa konsultime me bizneset.
Ndryshe, përveç Zonës Ekonomike Amerikane ekziston edhe Parku i Biznesit dhe Inkubatori i Biznesit në Drenas, Parku i Biznesit Holandez në Prizren, Parku i Biznesit në Suharekë, Parku i Biznesit në Mitrovicë, Parku Industrial dhe Inkubatori i Biznesit në Shtime, Inkubatori i Biznesit në Deçan, Inkubatori i Biznesit në Gjilan. /Telegrafi/
Promo
Reklamo këtuLufta Prigozhin - Putin
Më shumëFranca është magnet për investitorët e huaj - cilat reforma i bëri për t'i lënë pas Gjermaninë e Britaninë?
Policia me apel për qytetarët: Kujdes nga mashtrimi përmes investimeve të dyshuara online
British American Tobacco investon 100 milionë euro
Hypi kerrit e nisu për n’Grand Blue Fafa këtë vikend
Qysh bohet kerri i vogël, kerr i ri!
Bëhu banor i kryeveprës së Prizrenit - Grand Residence
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City