Munishi: Granit Xhaka është në nivel me Toni Kroosin

Në RTV Dukagjini sonte (e premte) po diskutohet për ndeshjet e sotme të Kampionatit Botëror.

Tema kryesore është e drejtuar kah ndeshja Zvicër-Serbi, nga e cila fituese doli Zvicra me dy golat e mrekullueshëm të shqiptarëve Xherdan Shaqiri e Granit Xhaka.

Te ky i fundit, trajneri i njohur kosovar, Ismet Munishi, ka dhënë komentin e tij duke e krahasuar Xhakën me lojtarin e famshëm të Real Madridit, Toni Kroos.

Lexo po ashtu Bomba e Granit Xhakës barazon rezultatin, pasoi festa magjike me shqiponjë!

“Ka fituar atje në Zvicër sepse ambienti është më i mirë, ndërsa këtu është më konfuz. Ky do të bëhet një lojtar i madh, ky mund të luajë në Real Madrid me kualitet që i ka, me forcën që e ka, me karakterin që e ka, me atë çfarë ka treguar, me Toni Kroosin është i barabartë”, ka thënë Munishi gjatë emisionit.

Tutje, ai tregon edhe për bashkëbisedimin që kishte pasur me Granitin, duke treguar edhe këshillat që ia kishte dhënë.

“I pata thënë Granitit, sepse nuk e kishte një sezon të mirë në Arsenal, jo sezon të mirë, por kaloi nga një kampionat gjerman në një kampionat anglez, dhe i duhej kohë të ambientohej, edhe po bisedonim gjatë kohës që bënte stërvitje, në pauzë bisedonim. I thosha: Ti je lojtar fantastik por duhet të kesh vetëbesim, dhe është tempo tjetër sepse në Gjermani luhet më avash. Ti duhet të përshtaten në këtë tempo edhe je më i mirë se Toni Kroosi”.

Lexo po ashtu Nata e shqiponjave në Rusi

“Krejt njerëzit kënaqen kur i lëvdojnë. Më pyeti: Pse trajner më i mirë, dhe mu desh t’ia shpjegoja: Është më i fortë në duel, është më i fortë në kërcim në ajër, goditjen e ka më të mirë se Toni Kroosi”, ka thënë ndër të tjerash Munishi. /Telegrafi/

https://www.youtube.com/watch?v=d2x21tJFCFI