Tallet Isco: Nuk do t’i flas Ronaldos pas asaj se çfarë na bëri në botëror

Isco Alarcon mori pak kohë nga detyrat me skuadrën e Spanjës për të biseduar me El Larguero.

Futbollisti spanjoll ka folur rreth trajnerit Julen Lopoteguit dhe se si La Roja po dalin në Kupën e Botës, me ndeshjen e së nesërmes kundër Iranit.

Spanjolli thotë se ne nuk duhet të habitemi nga rezultatet që kemi parë në Rusi – duke përfshirë barazimin 3-3 të Spanjës me Portugalinë.

“Në fund të ditës kjo është Kampionati Botëror dhe niveli i konkurrencës është i ashpër, askush nuk do t’ju dhurojë fitoren. Ne duhet të qëndrojmë besnikë ndaj stilit tonë, në llojin e lojës që kemi luajtur deri më tani që na ka sjellë suksese”, tha mesfushori.

Ai më tutje në formë shakaje ka pohuar se nuk do t’i flas Cristiano Ronaldos pas tre golave që i shënoi “Furisë së Kuqe”.

Lexo po ashtu Shtatë mrekullitë e para të Kampionatit Botëror: Nga Coutinho e Ronaldo te Mertens e Quintero, secili gol më i bukur se tjetri

“Mos më flisni për Cristianon! Unë nuk do t’i flas pas asaj që i bëri Spanjës (qesh). Ai nuk ka shkallë të lartë të saktësisë, por kur e ka ditën e tij, nuk të fal. Dy golat e parë i dhanë besim, gjë që i sollën edhe të tretin”, shtoi ai.

Ndryshe, Spanja në takimin e radhës do të takohet me Iranin ndërsa Portugalia si kundërshtar do ta ketë Marokun. /Telegrafi/