Presidenti i vendit, Hashim Thaçi në një konferencë për media ka konfirmuar se të dielën, më 24 qershor në Bruksel do të jetë takimi i parë i fazës finale të dialogut me Serbinë. Ai tha se priten bisedime të rënda dhe të vështira pasi synohet që dialogu të përmbyllet me marrëveshje historike, por sipas tij, Kosova nuk ka çka t’i frikësohet dialogut dhe epilogut të këtyre bisedimeve.
Ai bëri të ditur se të martën ka marrë ftesën zyrtare nga Zyra e përfaqësues së politikës së jashtme të BE-së, Federica Mogherini për takimin e radhës që do të mbahet këtë të diel, më 24 qershor në Bruksel.
Thaçi theksoi se ky do të jetë takimi i parë i fazës finale të dialogut në mes Kosovës dhe Serbisë dhe kjo sipas tij konfirmohet nga letra zyrtare e Mogherinit.
“Qëllimi ynë në këtë fazë përfundimtare është arritja e marrëveshjes gjithëpërfshirëse, ligjërisht obligative ndërmjet Kosovës dhe Serbisë e që do të mundësojë normalizimin e plotë të marrëdhënieve ndërmjet dy popujve”, tha Thaçi, duke shtuar se pas viteve të tëra të bisedimeve ka ardhur koha për një marrëveshje historike ndërmjet dy shteteve.
Ai tha se priten bisedime të rënda dhe të vështira pasi synohet që dialogu të përmbyllet me marrëveshje historike.
“Kosova nuk ka çka t’i frikësohet dialogut dhe epilogut”, tha Thaçi.
Ai tha se arritja e një marrëveshjeje gjithëpërfshirëse me Serbinë është e domosdoshme që Kosova ta sigurojë vendin në arenën ndërkombëtare, të jetë pjesë e OKB e mekanizmave tjerë ndërkombëtar.
Presidenti i vendit tha se edhe në fazën finale të dialogut me Serbinë, Kosova do ta ketë mbështetjen e fuqishme të SHBA-ve.
Ai po ashtu tha se edhe Bashkimi Evropian dhe shtetet anëtare të saj janë të interesuara që të arrihet marrëveshja për normalizimin e raporteve Kosovë-Serbi, si kusht për anëtarësimin në BE të dy shteteve.
Thaçi tha se kjo fazë e dialogut nuk është proces që do të prodhojë humbës.
“Procesi do të jetë transparent, i përgjegjshëm dhe do ta mbrojë interesin e Kosovës siç kam bërë gjithë jetën…”, tha presidenti.
Ai tha se si president i Kosovës ka obligim kushtetues ta përfaqësojë shtetin dhe rrjedhimisht t’i prij dialogut me Serbinë.
Thaçi tha se është e domosdoshme që të krijohet një ekip gjithëpërfshirëse, që do të përbëhet nga bartësit e institucioneve të Kosovës, partive politike, shoqëria civile, etj.
“Kjo do ta bënte procesin më kredibil dhe transparent në rast të arritjes së marrëveshjes gjithëpërfshirëse me Serbinë”, tha Thaçi. /Telegrafi/
Promo
Reklamo këtuLufta Prigozhin - Putin
Më shumëNga Rubrika
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Ambasadori i Finlandës: Anëtarësimi i Kosovës në NATO do të bëhet realitet
Dashtevski: Jemi të përgatitur për zgjedhjet, rezultatet e para do të shpallen para mesnate
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
Ambasadori i Finlandës: Anëtarësimi i Kosovës në NATO do të bëhet realitet
28 vite burgim dhe mbi 50 mijë euro gjobë ndaj shtatë të akuzuarve për kultivimin të bimëve narkotike dhe posedim të marihuanës
'Çmontohet' rrjeti i drogës në Spanjë, 14 të arrestuar përfshirë edhe shqiptarë që transportonin tonelata me kanabis në Evropë
“Paratë, ose do të vras djalin”, polici kërcënon qytetarin se nuk i dha ryshfet
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe