Reshjet e shiut dhe breshrit që filluan pasditen e 14 qershorit, kanë shkaktuar miliona euro dëme në qytetin e Rahovecit dhe fshatrat përreth.
Për të përballuar dëmet, nevojitet ndihma e Qeverisë, pasi që buxheti i kësaj komune nuk ka fonde të mjaftueshme.
Përveç dëmeve në vreshta dhe kultura bujqësore të shkaktuara nga breshëri dhe shiu i madh, ka pasur dëme edhe në amvisëri dhe biznese.
Kryetari i komunës së Rahovecit, Smajl Latifi, deklaroi për KosovaPress se për të sanuar gjendjen është bërë krejt çka ka qenë e mundur nga ana e komunës, duke formuar shtabin për menaxhimin e krizës, ku pjesë e tij janë të gjitha instrumentet e pushtetit lokal. Porse ka theksuar se urgjentisht nevojitet fondi për investime të dëmeve dhe sistemi raketor anti-breshër.
“Realisht komuna jonë është goditur jashtëzakonisht shumë nga këto reshje që kanë filluar me 14 qershor, kanë vazhduar më 15 qershor e madje edhe ditën e djeshme. Ne hapin e parë e kemi bërë sigurt. Si institucione iu kemi dalë në ndihmë edhe qytetarëve, edhe fermerëve, edhe pronarëve, familjarëve, të cilët realisht kanë qenë të rrezikuar sepse kanë pasur ujë nëpër shtëpitë e tyre dhe janë dëmtuar amvisëritë. Nesër kemi seancë urgjente dhe aty do të kërkoj nga Kuvendi që të na lejohet përdorimi i një fondi emergjent, i cili ka të bëjë më shumë me intervenime emergjente, si sanim i pasojave të rënda, të cilat i kanë shkaktuar reshjet e fundit. Gjithashtu, do të bëjmë një thirrje drejtuar kryeministrit, Qeverisë së Kosovës, përkatësisht Ministrisë së Bujqësisë dhe ministrive të linjës që të na përkrahin direkt përmes një fondi”, tha ai.
Si pasojë e motit të lig, bujqësia në komunën e Rahovecit është goditur aq shumë sa që nuk dihet se si do të mbijetojnë fermerët të cilët kanë toka me qira, puna e të cilëve siç thotë kryetari Latifi pothuajse ka shkuar e tëra dëm.
“Fondi për investime të dëmeve është i domosdoshëm për t’i përkrahur fermerët, të cilët janë goditur jashtëzakonisht shumë në këto reshje të fundit që ishin të shoqëruara edhe me breshër e që ka shkatërruar kulturat e perimeve dhe vreshtat e në disa lokalitete përfshirë edhe kompani si ‘Stone Castle’ që ka diku rreth 700 hektarë, por që rreth 60 hektarë i ka shkatërruar 100 për qind. Siç ka shkatërruar edhe kultura të shumta perimtare kudo në Grexhë, Fortesë, Pataqan dhe një pjesë të qytetit të Rahovecit ku është vreshta. Ndërsa në Celinë, Xërxë dhe Krushë të Madhe, edhe breshëri edhe shiu i rrëmbyeshëm me vërshime të shumta përmbytjet e tokave. Dëmet janë milionëshe”, tha Latifi.
Edhe kryetari i fshatit Krushë e Madhe, Selami Hoti shpreh shqetësimet e tij për banorët e asaj ane, e të cilëve iu janë shkaktuar dëme të shumta pas vërshimeve. Për sanimin e kësaj situate dhe mënyrë që të zvogëlohen dëmet, Hoti thotë se nevojitet mbështetja e Qeverisë, pasi që ka familje që jetojnë ekskluzivisht nga bujqësia.
“Ne do te duhej të marrim kompensim sepse janë familje të tëra, të cilat ekskluzivisht varen nga bujqësia dhe se kanë bërë investime goxha të mëdha në sezonin pranveror, me mbjellje, me perime të tjera. Apelojmë te qeveria që ta marrë këtë në konsideratë, sepse po qe se të dojë komuna jonë ka buxhet të vogël, gjithsesi ne jemi duke punuar ngushtë me kryetarin e komunës, Smajl Latifin, si dhe me stafin e tij për të bërë vlerësimin dhe presim në ndërkohë të dal një komision vlerësues dhe të futet derë më derë, arë më arë për ta bërë një vlerësim ekzakt në atë se çfarë ka ndodhur”, tha ai.
Banori i Krushës së Madhe, Muhamedali Hoti ka treguar për KosovaPress se shiu ka lënë pas vetes pasoja të mëdha për familjet e fshatit.
“Ka pasur dëme të mëdha. I kemi hedhur të gjitha çfarë ka pasur në lum, sepse ka qemë e pamundur me u shpëtuar. Depërtimi ujit në bodrumet e shtëpisë ka qenë mbi një metër e gjysmë dhe ka qenë e pamundur me heq ndonjë gjë, do të thitë dëmet kanë qenë shumë të mëdha. Kanalizimet kanë qenë të zëna krejtësisht, ndoshta, sepse kanë qenë vërshimet jashtëzakonisht të fuqishme. Uji nuk ka mundur të depërtojë në kanalizime dhe deri të nesërmen bodrumet kanë qenë të mbushura me ujë me nivel të ujit mbi 1.5 metra”, tha ai.
Ndryshe, qysh nesër në Rahovec do të mbahet seancë urgjente lidhur me situatën e krijuar, me qëllim të daljes nga kjo situatë e vështirë për banorët dhe bizneset e Rahovecit, si dhe fshatrave përreth./KP/Telegrafi
Promo
Reklamo këtuLufta Prigozhin - Putin
Më shumëRrëfimi i fotoreporterit që xhiroi largimin e forcave serbe nga Prizreni
Kurban Bajrami të dielën, BIK njofton se në sa ora falet namazi
Mbeti më shumë se gjysmë ore në ajër me aeroplanin e tij, Pacolli akuzon Autoritetin e Aviacionit Civil të Kosovës
"Trupin e recepsionistit do ta digjnim në furrë", dëshmi tronditëse për vrasjen në Dhërmi
Osmani takon zv/presidenten amerikane Harris: Mirënjohës për mbështetjen e palëkundur amerikane
Festa e Bajramit në prag, qytetarët ankohen për çmime të larta të kurbanëve
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Dikur ishin refuzuar, tani janë lojtarë kyç: Gjashtë yje, një shqiptar mes tyre që mund të shkëlqejnë në Euro 2024
Hehir: Deklarata e Hillit, shembulli i fundit i qëndrimeve të tija pro-serbe
Forcat ukrainase sulmojnë aeroportin ushtarak në Rusi
Ndeshja hapëse e Euro 2024 solli një risi në përdorimin e VAR – tifozët e duan atë edhe në Ligën Premier
Topi i goditur nga Wirtz përfundoi në portë me një shpejtësi marramendëse
Dukagjini Resort – Ky është projekti përrallor 80 milionësh që do ta transformojë këtë pjesë të Shëngjinit