Eleni Foureira do të mbajë koncert në Tiranë

Eleni Foureira ka bërë të ditur se gjatë kësaj vere do të mbajë një koncert në kryeqytetin e Shqipërisë.

Këngëtarja shqiptare e ka publikuar listën me datat e koncerteve të saja për turneun veror, ndërsa një prej destinacioneve është edhe Tirana.

Në bazë të njoftimit, 31-vjeçarja do të mbajë një koncert në Tiranë më 25 korrik.

Summer tour 2018 … stay tuned more to come… #fuegotour#foureira #fuego

A post shared by Eleni Foureira (@foureira) on Jun 15, 2018 at 5:56am PDT

Eleni, e cila ka lindur në Fier të Shqipërisë, ishte një prej tre shqiptarëve që ishin pjesëmarrës në edicionin e sivjetmë të Eurovisionit.

Në Festivalin Evropian të këngës, ajo e përfaqësoi Qipron me këngën “Fuego”, ndërsa ishte shumë pranë që ta fitonte garën.

Foureira (me 436 pikë) ishte konkurrente e drejtpërdrejtë për ta fituar festivalin, mirëpo mbeti prapa përfaqësueses së Izraelit, Netta, e cila triumfoi.

The Winner of the 2018 #Eurovision Song Contest is ISRAEL! #ESC2018 #AllAboard pic.twitter.com/Myre7yh3YV

— Eurovision (@Eurovision) May 12, 2018

Eleni që si fëmijë u largua për në Greqi së bashku me familjen, vend i cili do t’i hapte dyert e suksesit, duke u shndërruar në një ndër këngëtaret më të mira të muzikës pop të atij vendi.

Megjithatë, ishte Qiproja vendi që e zgjodhi për ta përfaqësuar në Eurovision, ndërsa bërja e simbolit të shqiponjës me duar kishte nxitur reagime në Greqi. /Telegrafi/