Era Istrefi mjaft provokuese në xhirimet e klipit të ri në Xhamajka

Këngëtarja e njohur, Era Istrefi, këto ditë ka udhëtuar për në Xhamajka.

Ajo ka shkuar atje për të kryer xhirimet e klipit të saj më të ri “Prisoner”, i cili pritet të publikohet së shpejti.

Këngëtarja ka ndarë me ndjekësit e saj në rrjetet sociale disa fotografi, ku ka treguar një nga skenat e klipit të saj të ri.

Era duket se do të vijë mjaft atraktive dhe provokuese, e veshur në të zeza, teksa vë në pah format trupore.

“Nuk marr asnjë të burgosur”, ka shkruar ajo në mbishkrimin e fotografisë, duke iu referuar kështu faktit se kënga e saj e re flet për një “të burgosur” në dashuri.

https://www.instagram.com/p/BkDkkXRDAO8

Këngëtarja shqiptare është një ndër emrat më të përfolur të momentit, kjo pasi ajo është edhe interpretuese e himnit të Kampionatit Botëror 2018.

Lexo po ashtu Dhjetë himnet më të mira dhe të këqija të Kampionatit Botëror ndër vite

“Live it up” titullohet kënga në bashkëpunim me Will Smith dhe Nicky Jam, këngë kjo e cila do të shoqërojë çdo ndeshje të Kampionatit Botëror.

Është bërë gjithashtu e ditur se Era do të bëjë hapen solemne në natën finale të Botërorit. /Telegrafi/