Bie çmimi i naftës në pikën më të ulët brenda dy muajve

Nafta vazhdoi të tregtohej ndjeshëm më ulët gjatë tregtimit aziatik në 66.22 dollarë për fuçi duke qenë në pikën më të ulët brenda dy muajve.

Kjo vijon shitjen e së premtes së kaluar, e cila ra rreth 4 për qind, pasi investitorët u përqendruan në rritjen e prodhimit të naftës në Shtetet e Bashkuara të Amerikës dhe deklaratat nga vendet e OPEC-ut si Arabia Saudite dhe Rusia, të cilat sugjeruan se organizata është e gatshme të rrisë furnizimin në takimin e saj në qershor.

Tregtarët janë të frikësuar se marrëveshja e shkurtuar e prodhimit midis OPEC dhe anëtarëve të tjerë të saj që do të përfundonte në fund të vitit, shkruan Telegrafi.

Duke pasur presion shtesë mbi naftë e papërpunuar, kompania Baker Hughes publikoi shifra që tregojnë se numri i kazanëve të naftës që veprojnë në Shtetet e Bashkuara të Amerikës u rritën me 15 në 859 në total, niveli më i lartë që prej 13 marsit 2015 dhe rritja më e madhe e një jave në tre muaj e gjysmë, duke treguar shenja të një zgjerimi në prodhimin amerikan. /Telegrafi/