Argjentina Ramosaj feston ditëlindjen, merr urimin më të përzemërt nga bashkëshorti i saj

Këngëtarja e njohur Argjentina Ramosaj ka festuar sot (e hënë) ditëlindjen e saj të 28-të.

Me këtë rast ajo ka marrë plot urime të përzemërta nga miqtë, kolegët dhe familjarët e saj.

Një nga urimet më të bukura për këngëtaren ishte rezervuar që në orët e para të datës 21 maj.

Ka qenë bashkëshorti i saj Dukagjin Fetahu, ai i cili ka publikuar një fotografi të çiftit në rrjetin social Facebook, teksa në mbishkrimin e fotografisë ka shkruar urimet më të përzemërta për të.

“Urime ditëlindja zemra ime. Të uroj edhe shumë vite tjera të lumtura … Të dua shumë. Je ajo që me bën të lumtur çdo ditë e më shumë. Shijo ditën tënde të veçantë”, janë fjalët e bashkëshortit për Argjentinën.

Kjo e fundit, përmes një statusi të bërë në rrjetin social Instagram, ka falënderuar të gjithë ndjekësit dhe fansat e saj për urimet.

Ramosaj ka qenë shumë aktive këtë vit, duke publikuar një këngë solo dhe dy bashkëpunime, ndërsa ka bërë të ditur se do të vazhdojë të jetë aktive edhe gjatë muajve të nxehtë. /Telegrafi/