Di Francesco: Roma duhet të mësojë nga Juve

Eusebio Di Francesco ka paralajmëruar se Roma duhet ta përmirësojë mentalitetit për ta ngushtuar diferencën me Juventusin në të ardhmen.

Giallorossët e kanë siguruar pjesëmarrjen në Ligën e Kampionëve në sezonin e ardhshëm, ndërsa pas barazimit pa gola, Zonja e Vjetër u shpall kampion për të shtatën herë radhazi.

Ndërsa trajneri i klubit kryeqytetas thotë se skuadra e tij duhet të mësojë nga Bianconerët dhe t’i trajtojë njësoj si fitoret ashtu edhe humbjet.

Lexo po ashtu Të gjitha lajmet për Romën

“AJo që Juve ka më shumë se kushdo tjetër në Itali është mentaliteti që e ka ndërtuar ndër vite”.

“Njëherësh ata kanë një klub të fortë prapa dhe arrijnë të qëndrojnë të bashkuar edhe në momente të vështira”.

“Mendoj se gjëja më e rëndësishme është se ata arrijnë t’i kalojnë vështirësitë në mënyrë private dhe kjo është ajo që duhet ta bëjnë të gjitha klubet, ta marrin shembull këtë mentalitet”.

“Roma është zhvilluar në sezonin e fundit, por nuk duhet të ndalemi këtu. Mund ta ngushtojmë diferencën me Juventusin duke e përmirësuar skuadrën dhe mentalitetin, duke vënë rregulla dhe duke u siguruar që ato të respektohen”, është shprehur Di Francesco për Sky Sport Italia. /Telegrafi/