Hapet votimi në finalen e ‘Eurovision 2018’: Shqiptarët nga diaspora kanë 15 minuta për të votuar këngën shqiptare

Kanë përfunduar me sukses performancat e 26 shteteve në natën finale të ‘Eurovision 2018’.

Shqipëria, e përfaqësuar këtë vit nga Eugent Bushpepa me këngën “Mall” u prezantua dinjitetshëm nga rokeri shqiptar.

Eugenti këndoi i dymbëdhjeti me radhë, dhe kodi i tij është ’12’ për të gjithë ata që duan ta votojnë.

Votimi sapo është hapur dhe janë vetëm 15 minuta në dispozicion nga shqiptarët e diasporës për të votuar për këngën shqiptare.

Lexo po ashtu Mënyra se si mund të votohet Eugent Bushpepa sonte në finalen e "Eurovision 2018"

Në konkurrim janë edhe dy shqiptarë të tjerë: Eleni Foureira që përfaqëson Qipron dhe mban kodin ’25’, dhe Ermal Meta që së bashku me Fabrizio Moron përfaqësojnë Italinë dhe kanë kodin ’26’.

Votimi ndahet në dy pjesë: gjysmë vlerësohet nga publiku dhe gjysma tjetër nga juria profesionale.

Kritikët e muzikës e kanë vlerësuar lartë interpretimin e këngëtarit shqiptar në “Eurovision’, çka me pak ndihmë nga votat e publikut, kënga shqiptare mund të pozicionohet goxha mirë në listën përfundimtare.

Lexo po ashtu EUROVISIONI I SHQIPTARËVE

Më poshtë gjeni numrat përkatës të secilit shtet, dhe mënyrën se si të votoni për këngën “Mall”. /Telegrafi/