U inkuadrua në lojë dhe u largua pas 39 minutave, futbollisti i Eibar nuk mund të ndalet duke qarë

Një ngjarje e pazakontë ka ndodhur në kampionatin spanjoll La Liga.

Skuadra e Eibarit ishte mysafire te Girona ku mori një fitore të vlefshme 4-1 duke u ngjitur në pozitën e 10-të në tabelë.

Por te mysafirët jo të gjithë kanë mbetur të kënaqur me këtë fitore.

Mesfushori spanjoll, Ivan Alejo do ta mbajë gjatë në mend këtë takim për ‘poshtërimin’ që i bëri trajneri Mendilibar.

Alejo ishte në bankë kur filloi ndeshja por në minutën e 30-të u fut në lojë në vend të Pedro Leon të lënduar.

23-vjeçari nuk qëndroi më shumë se 39 minuta në fushë pasi u largua nga loja pas një ndërhyrje të panevojshme ku mori kartonin e verdhë.

Për spanjollin largimi nga loja ishte një poshtërim nga trajneri dhe këtë nuk arriti ta pranonte dot.

Alejo filloi të qajë shumë në bankën rezervë dhe video e tij ka bërë xhiron e botës në internet.

Lojtari nuk ka pranuar prononcimin pas ndeshjes, por sipas mediave spanjolle ai është ndier i fyer me zëvendësimin që iu është bërë. /Telegrafi/

Iván Alejo, jugador del Eibar, entró al 30' pero fue sustituido al 70'. No aguantó la frustración y empezó a llorar desconsoladamente. Simplemente fútbol. Arriba, Iván. Ánimo. pic.twitter.com/Zq1M8JfLgZ

— Libreta Deportiva (@LibretaDepor) May 5, 2018