Maqedoni, partitë nuk largojnë reklamat nga zgjedhjet lokale

Edhe shtatë muaj pas mbarimit të zgjedhjeve lokale, shumë reklama pllakative, billborde si dhe postera të kandidatëve për kryetarë komunash vazhdojnë të mbeten të ngjitura nëpër objekte të ndryshme të komunave. Kodi zgjedhor definon se pjesëmarrësit në kampanjën zgjedhore janë të detyruar që në afat prej 30 ditësh pas mbarimit të zgjedhjeve t’i largojnë mbetjet nga pllakatet reklamuese.

Nga KSHZ thonë se ata nuk janë kompetent për dhënien e gjobave, duke thënë se Inspektoratet e Komunave janë përgjegjëse për një gjë të tillë. Por nga komunat shfajësohen duke thënë se KSHZ është organi i cili mund të shqiptoj gjoba.

Në raundin e dytë të zgjedhjeve lokale, LSDM-ja ka shpenzuar 171,181 euro dhe kishte të ardhura prej 176,597 euro. Partia e Ahmetit ka harxhuar 96,587 euro. Për reklamat dhe propagandën, BDI në raundin e dytë kanë shpenzuan 95.525 euro. Lëvizja Besa nga donacionet ka mbledhur 43,671 euro dhe ka shpenzuar 41,491 euro.

Partia e Zijadin Selës ka marrë donacion në vlerë prej 4,878 eurosh ndërsa ka harxhuar vetëm 200 euro për propagandë dhe reklama. Shumica e parave gjegjësisht 2,915 euro u shpenzuan për shërbime në restorante dhe ushqime dhe pije gjatë tubimeve.