LeBron James fantastik në fitoren e Cavaliers kundër Raptors

Mbrëmë është zhvilluar vetëm një ndeshje në ligën më të fortë të basketbollit në botë.

Nënkampioni i NBA-së, Cleveland Cavaliers ka shënuar edhe një fitore në serinë e ‘pal-off’ për t’iu afruar edhe më shumë gjysmëfinales së Konferencës Lindore.

Kalorësit ishin më të suksesshëm edhe njëherë kundër Toronto Raptors duke i mposhtur me dy pikë epërsi, 105:103.

Dy çerekët e parë Cavs krijuan avantazh solid që e ruajtën edhe në periudhat tjera, por që në dhjetë minutshin e fundit kundërshtarët arritën të shkrinin epërsinë, por që nuk ishte e mjaftueshme për fitore.

LeBron James edhe mbrëmë shkëlqeu në takimin e tretë kundër kanadezëve duke shënuar 38 pikë, ndërsa u ndihmua edhe nga Kevin Love me 21 sosh.

Te Raptors më i miri në parket ishte Kyle Lowrly me 27 pikë, por që nuk ishin të mjaftueshme për të shmangur humbjen e tretë.

Ndryshe, Cavaliers i nevojitet edhe një fitore për të eliminuar nga gara Toronton, e cila nuk ka shijuar ende një triumf ndaj Clevelandit.

Kujtojmë se sot do të zhvillohet edhe një ndeshje mes Golden State Warriors dhe  New Orleans Pelicans. /Telegrafi/