Ndërpritet derbi Fenerbahçe-Besiktas: Goditet me gjësende të forta trajneri i Besikit dhe i qepet urgjentisht koka (Foto/Video)

Është ndërprerë takimi i dytë gjysmëfinal i Kupës së Turqisë mes Fenerbahces dhe Besiktasit.

Njëri prej derbive më të mëdhenj në shtetin turk nuk e ka gjetur fundit gjysmë ore para përfundimit të kohës së rregullt.

E gjithë kjo pasi që tifozët e Fenerit kanë goditur me gjësende të forta në kokë trajnerin e “Shqiponjat e Zeza”, Senol Gunesin, të cilit i është qepur koka dhe më pas është dërguar në një spital të qytetit të Stambollit.

Paraprakisht, strategu turk është mundur të qetësoj portierin Tolga Zengin që po polemizonte me shikuesit në shkallën e stadiumit.

Pas kësaj, në të 57 minutë i gjithë stafi dhe lojtarët e Besiktasit janë tërhequr në zhveshtore dhe më nuk kanë dal në fushën e stadiumit “Sukur Saracoglu”.

Mete Kalkavan, gjyqtari kryesor i takimit, tashmë ka marr vendim që të ndërpritet takimi mes gjigantëve turk dhe vendimi për vazhdimin ose jo do ta merr Federata e Futbollit të Turqisë.

Gjithashtu edhe trajneri për përgatitje fizike të bardhezinjve, Erdinç Gultekin ka pësuar disa gërvishtje në fytyrë.

Theksojmë se në të 30 minutë, mbrojtësi i Besiktasit, Pepe u ndëshkua me karton të kuq pas një ndërhyrje të palejuar ndaj kundërshtarit.

Ndryshe, ndeshja e parë gjysmëfinale mes këtyre dyja skuadrave kishte përfunduar me rezultat të barabartë 2-2. /Telegrafi/