La Masia në krizë: Dështime të njëpasnjëshme pas Sergi Robertos, 23 lojtarë kanë debutuar te Barcelona, por nuk kanë treguar vetën

Sergi Roberto ka debutuar me 1 nëntor 2010, në Kupën e Mbretit kundër Celta Vigos, dhe mbete lojtari i fundit që ka ardhur nga akademia në ekipin e parë. 

Njëzet e tre lojtarë janë ftuar që atëherë në ekipin e parë, që asnjë nuk ka arritur të mbetet.

Rastin e njëjtë e kishte në sezonin 2010/11, Oriol Romeu, që iu dha rasti, por që nuk arriti të bind, duke u larguar pastaj drejt Chelseat, ndërsa aktualisht është  te Southampton.

Pep Guardiola u kishte dhënë rastin shtatë lojtarëve në sezonin 2011/12, Isaac Cuenca (tani në Izrael), Gerard Deulofeu, Rafinha, Cristian Tello dhe Marti Riverola.

Prej tyre, Rafinha ka qëndruar më gjatë në Camp Nou, por që këtë dimër u largua si huazim drejt Interit me të drejt blerje, 35 milionë euro.

Deulofeu ishte kthyer në Camp Nou, pas një paraqitje të mirë me Milanin, por që Valverde nuk i besoi duke e larguar drejt Watford.

Në sezonin 2012/13, vetëm Carles Planas, tani te Girona, debutoi, ndërsa një sezon më pas nën drejtimin e Tata Martino, debutuan Adama Traore, Patric dhe Jean Marie Dongou, që tani luajnë te Middlesbrough, Lazio dhe Gimnastic.

Kur erdhi Luis Enrique në verën e vitit 2014, Munir erdhi në ekipin e parë, duke luajtur që në ndeshjen e parë për 66 minuta.

Sandro Ramirez, Sergi Samper, Edgar Ie dhe Gerard Gumbau, po ashtu debutuan në atë vit.

Në dy sezonet pasardhëse nën menaxhimin e Enriques debutuan edhe gjashtë lojtarë premtues: Aitor Cantalapiedra (tani te Sevilla), Eilfrid Kaptoum (Betis), Juan Camara dhe Alex Carbonell (Reus), Nili (Platanias në Greqi) dhe Carles Alena.

Nga të gjithë këta, mesfushori Alena, ka gjasa të mirë që të ngjitet në ekipin e parë dhe të bëjë vend.

Tani nën Ernesto Valverde, kanë debutuar Marc Cucurella dhe Oriol Busquets. /Telegrafi/