Kompania që ofron shërbime me pastruese të zhveshura, nuk pranon më punonjëse të holla – klientët pëlqejnë gra në moshë dhe me figurë të plotë (Foto)

Një kompani angleze që ofron shërbime me pastruese të zhveshura, nuk po i pranon kandidatet e reja dhe të holla, meqë po kërkohen gra në moshë dhe me figurë të plotë.

Naturist Cleaner ka mbi 300 punonjëse, që janë gati të pastrojnë, lajnë dhe fshijnë nëpër shtëpitë e Britanisë së Madhe, pa pasur asnjë rrobë të trup, transmeton Telegrafi.

Ato përfitojnë deri në 50 euro në orë, ndërsa klienti duhet t’i përmbahet rregullit themelor, se nuk guxon t’i prekë me dorë.

Klientët mund të kërkojnë pastrues meshkuj apo femra, të moshave dhe formave të ndryshme trupore – por, gratë që e kanë ‘përvojën, moshën dhe figurën e plotë trupore’, del të jenë më të kërkuarat.

“Jemi si agjenci, që ofrojmë pastrim të veçantë dhe kemi punonjës të angazhuar gjithandej, prej Anglisë në Skoci, e deri në Irlandën Veriore” ka thënë themeluesja e kompanisë Laura Smith.

Ajo ka mohuar se ato kryejnë ‘shërbime sekrete’, ndërsa shtoi se dëshiron t’i plotësojë kërkesat e të gjithëve, që vetëm duan dikë të zhveshur për pastrim.

“Së fundmi, po kthejmë prapa kandidate, sepse nuk po janë të zonjat në pastrim. Trupat e tyre janë për pasarela, ndërsa klientët po i duan ato që kanë trup të shëndoshë dhe të plotë” ka shtuar Smith.

Kompania saj është regjistruar gjatë vitit të kaluar, ndërsa ka marrë leje që punonjëset të jenë të zhveshura. Kur ato nënshkruajnë kontratë, duhet të pajtohen që nuk do kenë asgjë në trup, pos dorezave të gomës dhe papuçeve. /Telegrafi/