Merr propozimin për fejesë befasi në ditëlindjen e saj, Shkenda Dubova: Dita më e rëndësishme për mua

Këngëtarja e njohur Shkenda Dubova ka kremtuar dje (e martë) ditëlindjen e saj të 33-të.

Me këtë rast, ajo ka marrë urime të shumta nga miqtë, kolegët dhe familjarët e saj, gjersa përveç urimeve ka marrë edhe një propozim për fejesë.

I dashuri i këngëtares, me të cilin ajo është në lidhje prej disa vitesh, ka zgjedhur datën e ditëlindjes së saj për të organizuar edhe ceremoninë e fejesës.

Gjithçka ka ardhur si befasi për këngëtaren, e cila nuk e ka ditur që kjo ditëlindje do të ishte nga më të rëndësishmet në jetën e saj.

Dubova ka ndarë me ndjekësit në rrjetet sociale disa imazhe, ku shfaq unazën me diamant, të cilën e ka marrë gjatë propozimit nga i dashuri i saj.

Një buqetë me lule ishte gjithashtu një dhuratë tjetër e rezervuar për Shkendën, gjersa e gjithë mbrëmja ka vazhduar nën tingujt e muzikës me të ftuarit, të cilët kishin ardhur enkas për të uruar këngëtaren.

Lexo po ashtu Të gjitha lajmet nga Estrada Shqiptare

Në një video të publikuar në InstaStory, Shkenda ka shfaqur disa momente nga ceremonia, teksa ka shkruar: “Faleminderit të gjithëve që ishit prezent në ditën më të rëndësishme për mua”. /Telegrafi/