Kim Kardashian turpërohet nga kënga e vetme që e ka incizuar në karrierë

Kim Kardashian tash e disa vite është shumë më e kujdesshme në lidhje me karrierën dhe biznesin. 37-vjeçarja dhe e gjithë familja e saj tashmë janë milionerë, prandaj kanë kujdes për hapat që i ndërmarrin në jetë dhe në karrierë.

Projekte të ndryshme duke përfshirë edhe serialin “Keeping Up with the Kardashians”, kanë bërë që klani Kardashian/Jenner të jetë ndër më të famshmit në botë.

Kujtojmë që nga momenti i lansimit të linjës së saj kozmetike, KKW Beauty, Kardashian ka përfituar miliona dollarë për vetëm disa orë.

Në qershor të vitit 2017 për më pak se tre orë, ajo ka shitur mbi 300 mijë produkte të linjës së saj, ndërsa çmimi i një produkti ishte 48 dollarë (tash bëni llogaritë!).

Mirëpo, jo gjithmonë Kim ka qenë e suksesshme me projektet e saja. Në të kaluarën, kur nuk ishte kaq e famshme dhe e pasur, ajo ka bërë disa hapa të gabuar. Disa veprime madje e turpërojnë edhe atë.

Një veprim i tillë ishte realizimi i këngës “Jam (Turn It Up)”, të cilën bukuroshja e kishte publikuar në vitin 2011, ndërsa përfitimet nga kënga planifikonte t’i jepte për bamirësi.

Mirëpo, projekti kishte shkuar aq keq, saqë vet Kim ka pranuar se ka qenë një prej huqjeve më të mëdha në karrierën e saj.

Kënga madje ishte shoqëruar me videoklip në janar të vitit 2012, në të cilin fokusi kryesor është, natyrisht, te të pasmet e Kardashian.

Edhe pse është konsideruar si një dështim i madh, megjithatë ka pasur fansa të saj që kanë dashur ta shikojnë klipin, i cili numëron mbi nëntë milionë shikime në YouTube. /Telegrafi/