Për OBRM-PDUKM-në projektet e LSDM-së janë vazhdë e projekteve të Qeverisë së kaluar

“11 vjet me radhë infrastruktura në Maqedoni është duke përjetuar një ringjallje të vërtetë, ndërsa përmes investimeve kapitale në infrastrukturë, rritja paralele përjetoi edhe një numër i madhë të degëve industriale që arritën të ringjalleshin gjatë udhëheqjese të OBRM-PDUKM-së. Kompanitë që ishin para mbylljes për shkak të tranzicionit kriminal të kryer nga LSDM-ja, regjistruan të ardhura në rritje në bizneset e tyre dhe hapën vende të reja pune”, thuhet në reagimin e OBRM-PDUKM-së ndaj LSDM-së.

Sipas partisë opozitare, LSDM-ja jo vetëm që nuk ka nisur një projekt të ri të infrastrukturës për më shumë se 10 muaj, por ka ndërprerë edhe projektet e filluara nga qeveria e OBRM-PDUKM-së, shumë prej të cilave ishin në fazën përfundimtare. LSDM-ja me qëllim e shtyn vendosjen e një numri të projekteve të infrastrukturës të ndërtuara gjatë kohës së qeverisë së OBRM-PDUKM-së për t’i paraqitur ato si të tyren.

“Asnjë reagim apo lajmërim nga LSDM-ja dhe qeveria nuk mund ta mohoj faktin se asnjë rrugë e paraqitur nga Zaev nuk është një projekt i ri. LSDM-ja edhe njëherë mburret me projektet e OBRM-PDUKM-së. Zaev, në vend të mbajtjes së konferencave për shtyp, duhet të përvesh mëngët e tij dhe menjëherë të fillojë t’i zbatoj premtimet e tij parazgjedhore. Qytetarët nga qeveria presin ndërtimin e autostradës 500 km të premtuar, jo premtime boshe dhe mbledhjen e pikave politike në projektet e huaja “, thuhet në regimin e OBRM-PDUKM-së./Telegrafi/