Mahrez “konfirmon pensionimin” në mënyrë shokuese me një postim të dyshimtë në Facebook

Ylli i Leicesterit, Riyad Mahrez, ka komunikuar për publikun pensionimin e tij nga futbolli me anë të një postimi shumë të dyshimtë në faqen e tij zyrtare në Facebook.

Një mesazh është shfaqur në faqen zyrtare të Mahrezit në Facebook në orët e vonshme të së martës, duke sugjeruar se algjeriani po pensionohet.

Një foto e Mahrezit është ngarkuar rrjetin social Facebook bashkë me tekstin: “Pas konsultimeve të fundit me shumë mjekë, unë kam vendosur që të qëndroj larg prej futbollit. Teksa kohës time si futbollist po i vjen fundi, do të doja t’i them disa fjalë”.

“Unë dua të falënderoj të gjithë për mirësinë dhe mbështetjen që kanë treguar në këtë qytet fantastik. Ju gjithmonë do të jeni në zemrën time”, shkruan në këtë postim në faqen e Mahrezit.

Ishte ky postimi i fundit i Mahrezit në Facebook që prej 24 shkurtit, kur algjeriani shkroi: “Gati të luaj, #LCFC”.

This is why I love football ⚽️ ⚽️ never give up 💪🏻#lcfc pic.twitter.com/YTMUNyzwuS

— Riyad Mahrez (@Mahrez22) March 3, 2018

Vetëm katër orë para këtij postimi në Facebook, Mahrez në Twitter e ka shpërndarë një video të tij duke shënuar ndaj Bournemouthit teksa ka shkruar “kurrë mos u dorëzo” më 4 mars.

Po ashtu tifozë të vëmendshëm të Cityt në Tëitter konfirmojnë se ai është parë në videot e postuara prej lojtarëve tjerë në stërvitjet e skuadrës.

Just brilliant, @Mahrez22! 🔮 pic.twitter.com/TpUthiNMlc

— Leicester City (@LCFC) March 6, 2018

Mahrez ishte shumë afër kalimit te Manchester City në janar dhe 27 vjeçari mungoi për ekipin e tij për një periudhë 10 ditore. /Telegrafi/