Hashim Thaçi dekoroi Rita Orën me Medaljen Presidenciale

Rita Ora ka qëndruar për disa orë në vendin tonë.

Këngëtarja shqiptare ka mbajtur një koncert në Prishtinë, në vigjiljen e dhjetë vjetorit të pavarësisë së Kosovës.

Lexo po ashtu Rita Ora: Më thanë se ishin 300 mijë vetë në koncert, faleminderit Kosovë

E gjatë qëndrimit në vendlindje,  Presidenti i Kosovës, Hashim Thaçi, ka dekoruar këngëtaren shqiptare me Medaljen Presidenciale Jubilare të dhjetëvjetorit të pavarësisë.

Ai e ka quajtur imazh të Kosovës kudo në botë, ndërsa e ka vlerësuar si rikthim të gëzimit të 17 shkurtit të 2008-s performimin e saj në koncertin e mbrëmshëm në Prishtinë para 300 mijë qytetarëve.

“Në këto dhjetë vjet pavarësi, Rita Ora ka qenë imazh i Kosovës kudo në botë. Ajo karrierën e zhvilloi bashkë me emrin dhe flamurin e Kosovës. Performimi i saj para mbi 300 mijë qytetarëve mbrëmë ishte një rikthim i gëzimit dhe emocioneve të 17 shkurtit 2008. Për kontributin e saj të pazëvendësueshëm në promovimin e Kosovës nëpër botë, unë mbrëmë e kam dekoruar Rita Orën me Medaljen Presidenciale Jubilare të dhjetëvjetorit të pavarësisë. Faleminderit Ritë. Jemi krenar me ty”, ka shkruar Thaçi.

Lexo po ashtu Koncerti i Rita Orës përmes 50 fotografive fantastike

Këngëtarja theksojmë se ka pasur edhe disa takime të tjera, duke përfshirë edhe me kryeministrin e Kosovës, Ramush Haradinajn.

Ndryshe, këngëtarja pas koncertit ka udhëtuar drejt kryeqytetit britanik të Londrës, ku të mërkurën do të jetë e pranishme në ceremoninë e ndarjes së çmimeve Brit Awards. /Telegrafi/