Roma fiton në udhëtim te Udinese, ngjitet në vendin e tretë (Video)

Roma ka fituar në udhëtim te Udinese me rezultat 0-2, fitore kjo e cila e ngrit në pozitën e tretë në Serie A.

Pjesa e parë i takoi në tërësi Giallorossëve, të cilët disa herë tentuan ta gjejnë golin e epërsisë, por pa pasur sukses.

Rastet më të mira në 45 minutat e parë ishin ato të Cengiz Under (6′, 24′) dhe Stephan El Shaarawy (30′), por pa arritur t’i ndryshojnë shifrat dhe në pushim shkuan pa gola.

Në pjesën e dytë, fillimi ishte më i barabartë me vendasit që ishin të kënaqur me një pikë dhe tentonin të befasonin në kundërsulme.

Megjithatë, u zunë në befasi në minutën e 70-të kur talenti turk, Under, shënoi një supergol nga distanca duke kaluar Romën në epërsi 0-1.

Deri në fund të takimit, Udinese tentoi ta barazojë rezultatin, por Roma e menaxhoi mirë epërsinë dhe në fund shënoi në shtesë edhe me anë të Diego Perottit, i cili vulosi fitoren e madhe 0-2 në udhëtim.

Pas kësaj fitore, Roma ngjitet në vend të tretë me 50 pikë, ndërsa Udinese renditet në pozitën e 10-të me 33 pikë.

Në ndeshjen e radhës, klubi nga kryeqyteti e pret në shtëpi Milanin në derbin e javës, ndërsa Udinese udhëton te Sampdoria. /Telegrafi/

GOOOOLAAAZOOOO!!! Cengiz Under you beauty!!! Purple patch for the #Turkey man. 0-1 | 70' #UdineseRoma
https://t.co/srODMvtM6Z

— Kush (@footballkush) February 17, 2018

https://www.dailymotion.com/video/x6ewp55