Rita Ora: Ne kemi shumë talentë dhe talente, duhet ta bëjmë vendin tonë krenar (Foto/Video)

Rita Ora ka folur për herë të parë pas arritjes në Kosovë.

Këngëtarja shqiptare ka mbajtur një konferencë për shtyp para fillimit të koncertit në Prishtinë, me rastin e dhjetëvjetorit të pavarësisë së Kosovës.

Bukuroshja jonë ka dhënë një mesazh për të gjithë të rinjtë, duke thënë se së bashku duhet të punojmë që ta bëjmë vendin tonë krenar.

“Së pari, urime pavarësia. Jam shumë e lumtur që gjendem këtu. Mund të isha kudo në botë këtë ditë. Por kam vendosur ta sjell krejt ekipin tim në Prishtinë, në Kosovë. Ne do të organizojmë shoun më të madh dhe më të mirë ndonjëherë. Jam shume e lumtur që jam këtu”, ka pohuar Rita.

“Do të doja ta shëtisja Kosovën, do të doja të njihja shumë vende pasi që kemi kaluar nëpër një udhëtim të gjatë. Kur fillova të merrem me muzikën, pash shumë yje botërore. Unë jam vajzë nga një vend i vogël dhe duhej të të lë shenjë në botë. Por, pas një punë të madhe dhe të vështirë kam arritur këtu. Tash po e shoh se sa kam arritur. Mesazhi im kryesor është se keni vetëm një mundësi që të mbaheni në mend. Sa më shumë që jemi të njohur, e bëjmë vendin më të madh. Ne kemi talente të mëdha, si Bebe Rexha dhe Dua Lipa. Bëni sa më shumë dhe argëtohuni duke prezantuar Kosovën”, ka pohuar Rita.

Ajo më tutje ka pohuar se jam “në ethe më shumë tani, se sa në ndonjë ngjarje madhështore të ndarjes së çmimeve ndërkombëtare”, tha ndër të tjerash Rita.

Kujtojmë se ajo kishte udhëtuar drejt vendlindjes me aeroplan privat, ku ishte e shoqëruar me të motrën, Elenën.

Ajo është akomoduar në hotelin Swiss Diamond, ku e kishin pritur disa befasi duke përfshirë një takim emocional me një fanse të vogël si dhe ushqimet e preferuara të këngëtares – pite dhe flia.

Këngëtarja shqiptare pritet të perfomojë para publikut shqiptar sonte me fillim në ora 22:00 në Prishtinë.

Lexo po ashtu Rita Ora publikon imazhet e para pas arritjes në Kosovë (Foto/Video)

Paraprakisht, koncerti në nder të dhjetëvjetorit të pavarësisë së Kosovës, do të startojë në ora 20:00, ku do të perfomojnë disa këngëtarë shqiptarë.

Ndryshe, bukuroshja është duke punuar në projekte të reja muzikore, të cilat do t’i sjell gjatë muajve në vijim. /Telegrafi/