Kosova duhet me i përmbush obligimet ndërkombëtare, u tha në debatin e organizuar sonte për Gjykatën Speciale, ku po ashtu pati mendime, se Gjykata Speciale duhet të ndodh, pasi nga UÇK nuk është dënuar asnjë luftëtar për krime lufte.
Prokurorja speciale e Kosovës, Drita Hajdari tha se Kosova ka për obligim më i përmbush detyrimet, të cilat janë kërkesa të bashkësisë ndërkombëtare, nëse synojmë të jemi pjesë e botës dhe çështja e krimeve të luftës, nuk mund të jetë një çështje e izoluar.
Prokurorja Hajdari, duke mos e quajtur diçka të re formimin e Gjykatës Speciale, ka thënë se përveç Ligjit për Dhomat e Specializuara, që e ka aprovuar Kuvendi i Kosovës, në vitin 2008 ishte formuar edhe Prokuroria Speciale, në të cilën tani punon ajo.
Po ashtu, Hajdari tha se kjo nuk është hera e parë, që ndërkombëtarët marrin kompetenca dhe janë pjesë e legjislacionit të Kosovës.
“Ajo që mua me dhemb, janë deklarimet e disa personave, që deklarohen se formimi i Gjykata Speciale, paraqet dështim të Prokurorisë së Kosovës dhe gjykatave, duke na akuzuar si të papërgatitur dhe se jemi të paguximshëm. Dhe unë tregova në kronologji, se gjykatat e tilla kanë funksionuar edhe më parë dhe kjo nuk është diçka e re”, tha ajo.
Shefi i Grupit Parlamentar të Vetëvendosjes, Glauk Konjufca duke folur për natën e 22 dhjetorit, kur u tentuar shfuqizimi i Gjykatës Speciale, pohoi se për këtë e ka ditur paraprakisht, pasi ishte informuar përmes një ministri.
Ai tha se prapa kësaj qëndronte edhe presidenti i vendit, Hashim Thaçi, e që sipas tij, këtë e ka bërë për çështje personale, e jo parimore për Kosovën.
“Përmes një ministrit e kam ditë se çka ka me ndodh saktësisht, të cilit nuk dua me i përmend emrin, e kam ditë që këtu është i përfshirë edhe presidenti dhe është shtytësi kryesor. Kur ka ardhur nata e 22 dhjetorit, ka qenë koha që ishte në prag të vikendit dhe festave të dhjetorit, këta kanë dashur me përmbyll atë proces pikërisht atë natë… Zhbërja e saj në këtë mënyrë kaq të rrezikshme dhe eksperimentale, ku halli është për disa persona dhe kjo çka do të bëjë Kosova, dhe këtë Vetëvendosja e ka kundërshtuar”, ka pohuar Konjufca, raporton KosovaPress.
Bekim Blakaj, nga Fondi për të Drejtën Humanitare, ka sqaruar se pse ishin dhe janë pro formimit të kësaj gjykate, ku tha se që nga viti 2000 i kanë përcjellë gjykimet për krimet e pretenduara të kryera nga ish-luftëtarët e UÇK-së, dhe sipas tij nga UÇK askush nuk është dënuar për krime lufte.
“Gjatë këtyre proceseve gjyqësore kemi vërejtur, se kudo që kanë qenë raste të pretenduara të krimeve të kryera nga ish luftëtarët e UÇK-së, e në shumicën dërmuese të rasteve ndaj shqiptarëve. Në disa raste, kanë qenë pala e dëmtuar edhe viktimat serbe. Familjet e viktimave as që e kanë marrë guximin me ardhur me i monitoruar gjykimet. S’po flas për kërcënimet që janë bërë ndaj dëshmitarëve, në të shumtën e rasteve kanë qenë të suksesshme, dëshmitarët i kanë ndryshuar deklaratat e tyre prej fazës së hetuesisë, në shqyrtimin kryesor. Viktimat kanë qenë të margjinalizuara dhe pak prej tyre kanë parë drejtësi. Sidomos të atyre të komunitetit serb”, tha Blakaj.
Debati është për Gjykatën Speciale është organizuar nga K2.0. /Telegrafi/
Promo
Reklamo këtuLufta Prigozhin - Putin
Më shumëRusët i futen tregut të pronave në Shqipëri, zyra biznesi në zonat bregdetare
Anëtarësimi i Kosovës në KiE, Knaus: Disa shtete, përfshirë Francën e Gjermaninë po përgatiten ta bllokojnë votimin në maj
Mbyllja e bastoreve u hapi rrugë lulëzimit të bizneseve në të zezën
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Basha në podkastin e Alice Taylor: Shqipëria në drejtimin e gabuar, qëndron më afër Serbisë se Kosovës
Në Gjakovë zbulohet monumenti i Skënderbeut
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City